Vizažystka pakazvaje, jak vyhladali b harady Biełarusi, kali b byli makijažami FOTY
Kryścina Jarec skončyła Univiersitet kultury, zachaplałasia fatahrafijaj, ale, zdajecca, sapraŭdny vybuch jaje tvorčaj natury zdaryŭsia, kali jana zaniałasia makijažam. Vyhladaje, što nie isnuje taho, što jana b nie zmahła ŭvasobić na svaim tvary pry dapamozie kaśmietyki. «A što, kali b harady Biełarusi byli makijažami?» — zadumałasia jana i pačała rabić.
Takoj vizažystka pabačyła stalicu Biełarusi — u mieru strohaj, toj, što viedaje sabie košt, hatovaj da dziełavych pieramoŭ zranku i da sustrečy ŭ kaviarni na Karła Marksa ŭviečary.
Akcent na vusnach i załatyja zavušnicy jak razynačka, ničoha lišniaha.
A voś, naprykład, bahaty svajoj historyjaj Niaśviž. U takim piaščotnym vobrazie — tolki žyć u zamku i ładzić bali.
Praciahvajučy źviartacca da historyi, takim Kryścina pabačyła Połack. Napeŭna, tak siońnia mahła b vyhladać Jeŭfrasińnia Połackaja.
Salihorsk atrymaŭsia bliskučym, dzie hałoŭnuju rolu vykonvaje jaho asnoŭnaje pryrodnaje bahaćcie — sol.
Brest — moładzievy, aktyŭny, jarki, zaŭsiody hatovy na ekśpierymienty i pašumieć nočču na piešachodcy. Tamu i makijaž adpaviedny.
A heta — Brasłaŭ, z adsyłkaj da jaho pryhožych azior.
Hrodna mnohija ličać adnym z samych pryhožych haradoŭ Biełarusi. Šlachietny, z raznastajnaj historyjaj za plačyma, śmieły, pryhožy, na zajzdraść usim — mienavita takim ujaŭlaje Hrodna aŭtarka.
A heta — Navapołack u kolerach svajoj hieraldyki.
Videa z makijažami ŭ styli biełaruskich haradoŭ u tyktoku Kryściny nabirajuć tysiačy prahladaŭ, a kamientatary nie mohuć dačakacca, kali ž dziaŭčyna voźmiecca i za ich rodny horad.
maska dla hub to my skin vb 529030276 thk shalom_yarets
Ciapier čytajuć
Aryštavany 75‑hadovy Źmicier Sańko — vieteran-vydaviec1
Kamientary