Litoŭskija fury sutykajucca z prablemami pry vyjeździe ź Biełarusi
Paśla taho jak urad Litvy znoŭ adkryŭ miažu ź Biełaruśsiu, u aŭtapieravozčykaŭ uźnikła šmat pytańniaŭ. Asacyjacyja Linava paviedamlaje, što ź litoŭskaha boku punkty propusku pracujuć narmalna, ale ź biełaruskaha boku situacyja niezrazumiełaja, piša Delfi.lt.
Pavodle niepaćvierdžanych źviestak, praz Salečnicki punkt nibyta ŭžo prajechali niekalki fur, ale ŭ Miednikach stanovišča zastajecca ćmianym: kiroŭcy apłačvajuć stajanki i stanoviacca ŭ elektronnuju čarhu, ale nieviadoma, ci ŭvohule ich prapuskajuć.
Kiroŭcaŭ taksama nie vypuskajuć ź Biełarusi ŭ bok Litvy. Choć litoŭskija pamiežniki i mytniki hatovyja prymać transpart, biełaruskija słužby, pavodle słoŭ pieravozčykaŭ, niby nie viedajuć, jak afarmlać dakumienty. U vyniku fury zastajucca na biełaruskich stajankach i nie ruchajucca da miažy.
Premjer-ministarka Litvy Inha Ruhinienie padkreśliła, što Litva nikoli nie zatrymlivała hruzaviki i zrabiła ŭsio, kab tyja mahli viarnucca dadomu. Jana nazvała situacyju dokazam taho, što prablemy ŭźnikajuć ź biełaruskaha boku. Ruhinienie spadziajecca, što pryčyna — techničnaja zatrymka, ale kali situacyja nie źmienicca, to buduć pryniatyja dalejšyja rašeńni.
Prapusknyja punkty «Kamienny Łoh — Miedniki» i «Bieniakoni — Salečniki», zakrytyja z kanca kastryčnika, adnavili pracu ŭ noč ź sierady na čaćvier.
Litva adkryła miažu ź Biełaruśsiu
MZS abłajała Litvu
Litva nie budzie kampiensavać straty pieravozčykaŭ, jakija zachraśli ŭ Biełarusi
«Paśla niaŭdałaj kavaleryjskaj ataki ŭ formie zakryćcia miežaŭ susiedzi Biełarusi mohuć vybrać varyjant mirnaha suisnavańnia z režymam»
«Minsktrans» adnaŭlaje mižnarodnyja rejsy paśla adkryćcia Litvoj punktaŭ propusku
Kamientary