Dziaŭčyna viała pryhožaje žyćcio, nie płaciačy za pasłuhi bjuci-majstroŭ, za taksi i arendu, a ŭ Threads jaje nazvali «Hannaj Dełvi biełaruskaha raźlivu» — pa anałohii sa znakamitaj ašukankaj.
Supracoŭniki minskaj milicyi zatrymali 23‑hadovuju ŭradženku Homielščyny, jakaja stała viadomaj u sacyjalnych sietkach i ŭ miedyja praz šmatlikija skarhi na jaje niadobrasumlennyja pavodziny. Dziaŭčyna padazrajecca ŭ machlarstvie, źviazanym z kuplaj adzieńnia praź internet, i kradziažy z kvatery znajomaj.
Zatrymanaja viała pryhožaje žyćcio ŭ Minsku, aktyŭna karystajučysia pasłuhami ŭ śfiery pryhažości, arendy žylla i taksi, ale nie apłačvajučy ich.
Jaje asnoŭnaja schiema zaklučałasia ŭ adpraŭcy padroblenych abo źnikajučych čekaŭ ab apłacie, paśla čaho jana źnikała sama abo błakavała kantakty.
Letam 2025 hoda jana ŭžo pryciahvałasia da kryminalnaj adkaznaści za nieviartańnie doŭhu i była asudžanaja da 180 hadzin hramadskich rabot.
U listapadzie suprać jaje skłali administracyjny pratakoł za nieapłatu pasutačnaj arendy kvatery ŭ stalicy, za što jana atrymała štraf u 20 bazavych vieličyń.
Ciapier suprać dziaŭčyny raspačali dźvie novyja kryminalnyja spravy, jana aryštavanaja.
Ciapier čytajuć
Kaśmičnaja turystka Maryna Vasileŭskaja vyjšła zamuž za kasmanaŭta Navickaha? Jany nosiać piarścionki23
Kamientary