U administracyi Trampa abmiarkoŭvajuć płan pa likvidacyi prezidenta Vieniesueły
Złučanyja Štaty razhladajuć radykalnyja scenary cisku na Vieniesuełu — až da tajemnaj śpiecapieracyi z metaj likvidavać prezidenta Nikałasa Madura, piša The New York Times sa spasyłkaj na čynoŭnikaŭ ZŠA.
Jak paviedamili daśviedčanyja krynicy haziety, prezident Donald Tramp uchvaliŭ padrychtoŭku sakretnych dziejańniaŭ CRU ŭnutry Vieniesueły, jakija mohuć pryvieści da maštabnaj vajskovaj kampanii.
CRU atrymała sankcyju na praviadzieńnie apieracyj, što ŭklučajuć dyviersii, kibier- i psichałahičnaje ŭździejańnie z metaj «padrychtavać pole boju». Vajskoŭcy ž paralelna prapracoŭvajuć varyjanty dakładnych udaraŭ pa abjektach, źviazanych z narkatrafikam, i pa achovie Madura. Siarod pracoŭnych scenaroŭ — zachop naftavych radoviščaŭ Vieniesueły, a taksama zachop abo likvidacyja Madura.
Pry hetym Tramp adnačasova inicyjavaŭ zakrytyja pieramovy z Madura. Pavodle słoŭ surazmoŭcaŭ haziety, vieniesuelski lidar paviedamiŭ, što hatovy pajści ŭ adstaŭku paśla dvuch—trochhadovaha pierachodnaha pieryjadu. Bieły dom admoviŭsia razhladać takuju adterminoŭku, ale dypłamatyčny šlach vychadu ź situacyi całkam nie vyklučany.
U publičnych vystupach Tramp abvinavačvaje Vieniesuełu ŭ narkatrafiku i arhanizacyi niezakonnaj mihracyi, adnak u pryvatnych abmierkavańniach padymaje temu hihanckich naftavych reziervaŭ krainy i mahčymaści dostupu da ich amierykanskich kampanij.
Raniej Nikałas Madura prapanavaŭ ZŠA pajści ŭ adstaŭku na praciahu dvuch-trochhadovaha pierachodnaha pieryjadu, jon vyłučyŭ hetuju ideju padčas nieaficyjnych pieramovaŭ. Bieły dom adchiliŭ jaho prapanovu i zapatrabavaŭ nieadkładna pakinuć pasadu.
Na minułym tydni prezident ZŠA Donald Tramp pravioŭ dźvie sustrečy sa staršymi savietnikami ŭ Situacyjnym pakoi Biełaha doma, na jakich abmiarkoŭvalisia situacyja ŭ Vieniesuele i varyjanty dziejańniaŭ.
Tramp daručyŭ CRU padrychtavać płany niekalkich sakretnych apieracyj na terytoryi Vieniesueły, a taksama pačaŭ sakretnyja pieramovy z uradam Vieniesueły, prypynienyja ŭ minułym miesiacy.
Madura kiruje Vieniesuełaj z 2013 hoda.
U 2024 hodzie ŭ Vieniesuele prajšli vybary, jakija aficyjna vyjhraŭ Nikałas Madura, ale apazicyja śćviardžaje, što bolšaść hałasoŭ była addanaja za jahonaha apanienta Edmunda Hansalesa. ZŠA nie pryznali vyniki vybaraŭ i ličać Maduru nielehitymnym.
Prezident i niekatoryja vysokapastaŭlenyja čynoŭniki Vieniesueły abvinavačvajucca ŭ ZŠA ŭ admyvańni hrošaj i kantrabandzie narkotykaŭ. U lipieni Minfin ZŠA abvinavaciŭ Madura ŭ kiraŭnictvie vieniesuelskim kartelem Cártel de los Soles i pryznaŭ jaho terarystyčnaj arhanizacyjaj.
Situacyju abvastryli niadaŭnija miery Trampa, u tym liku departacyi sotniaŭ vieniesuelcaŭ u 2025 hodzie, bolšaść ź jakich abvinavačvalisia ŭ prynaležnaści da bandy Tren de Aragua. Usiaho ź lutaha ZŠA departavali kala 8000 vieniesuelcaŭ.
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie14
Kamientary