Apanienty Cichanoŭskaj źbirajucca stvaryć svoj orhan, kab lehitymna pradstaŭlać biełaruski narod
U ich zadumie Biełaruskaja nacyjanalnaja kaalicyja stanie «pierachodnym orhanam stratehičnaha kiravańnia».
21 listapada apanienty Śviatłany Cichanoŭskaj źbirajucca ŭ Vilni na čarhovy Schod nieabyjakavych, užo druhi pa liku.
Arhanizatary apublikavali prahramu mierapryjemstva, i ŭ joj adnym z centralnych punktaŭ paznačana stvareńnie Biełaruskaj nacyjanalnaj kaalicyi (BNK). «Meta — zaćvierdzić BNK jak pierachodny orhan stratehičnaha kiravańnia i pradstaŭnictva biełaruskaha naroda», — havorycca ŭ prahramie.
Struktura płanujecca surjoznaja, u joj stvorać Radu i čatyry siektaralnyja adździeły — palityčny, ekanamičny, biaśpieki, infarmacyi.
Na schodzie źbirajucca «paćvierdzić lehitymnaść BNK jak instytuta nacyjanalnaha pradstaŭnictva».
Chto stanie na čale novaj supołki, nieviadoma. Adnak papiaredni Schod nieabyjakavych prachodziŭ pad ehidaj Hieorhija Dźmitruka («Biełaruskaja chryścijanskaja demakratyja») i Jaŭhiena Vilskaha («Narodnaja hramada»). Taksama siarod arhanizataraŭ byŭ Michaił Kučaraŭ — były milicyjanier, jaki jašče ŭ 1990‑ia zvolniŭsia z orhanaŭ, a ciapier žyvie ŭ Luksiemburhu.
Na vybarach u Kaardynacyjnuju radu ŭ 2024 hodzie błok «Salidarnaść», u jaki ŭvachodzili BCHD i «Narodnaja hramada», zaniaŭ pieradapošniaje miesca — 1,55% ad kolkaści tych, chto ŭziaŭ udzieł u hałasavańni.
«Naša Niva» — bastyjon biełaruščyny
PADTRYMAĆ
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ4
Kamientary
Zaraz łoha namaluju...