Paciarpiełuju ŭ žudasnym DTZ u Tajłandzie biełarusku pieraviali z reanimacyi, jaje dumajuć adpravić u Biełaruś
Biełaruska Nastaśsia Jasiukievič, jakaja atrymała ciažkija traŭmy ŭ DTZ u turystyčnym mikraaŭtobusie ŭ Tajłandzie, idzie na papraŭku i rychtujecca da čarhovaj apieracyi. Tajskija daktary dumajuć adpravić jaje na radzimu.
28‑hadovaja biełaruska trapiła ŭ žudasnuju avaryju ŭ Tajłandzie. DTZ zdaryłasia 6 listapada ŭ pravincyi Kančanabury na maršrucie da raki Kvaj, ekskursijny aŭtobus z turystami pierakuliŭsia i zvaliŭsia z uzvyšša.
Nastaśsia pieraniesła ŭžo niekalki apieracyj, akramia taho, spatrebiłasia ekstrannaje pieralivańnie kryvi, adnak akazałasia, što ŭ Anastasii redkaja treciaja admoŭnaja hrupa. Situacyju vyratavaŭ post u sacsietkach, na jaki adhuknulisia vałanciory. Paśla infarmacyi ab stanie paciarpiełaj nie pastupała. Pra samaadčuvańnie biełaruski raskazali vałanciory ŭ sacsietkach, piša «Sputnik».
Pavodle ich słovaŭ, Anastasija pa-raniejšamu ŭ špitali ŭ Kančanabury, ale jaje ŭžo pieraviali z reanimacyi ŭ «narmalnuju pałatu, dzie jana lažyć jak pryncesa».
Anastasii prykmietna palepšała, padzialilisia ŭ hrupie: «Paružovieli ščočki. Dadalisia siły».
Ale pošuki treciaj admoŭnaj praciahvajucca, bo napieradzie ŭ dziaŭčyny čarhovaja apieracyja.
«Daktary prasili 4‑5 pakietaŭ, my zakryli dziesiać!» — padzialilisia vałanciory ŭ sacsietkach.
U pryvatnaści, jany padziakavali dvum dziaŭčatam, jakija dapamahli znajści jašče siem donaraŭ.
U Banhkoku taksama znajšoŭsia dobraachvotnik, jaki pahadziŭsia dapamahčy vałancioram i «źmianić ich na bajavym pastu». Im staŭ biełarus Raman, miedyk pa adukacyi.
Daktary ž praz palapšeńnie stanu Anastasii vyrašyli pieravieści jaje z reanimacyjnaj pałaty ŭ ahulnuju.
«Heta byŭ šok! U pałacie, dzie niama kandycyjanieraŭ, šeśćdziesiat čałaviek, stohny, kryki i žudasny pach. Ale samaje strašnaje — mužyki lažać źleva i sprava. Heta ahulnaja raznapołaja pałata. Usie našy namahańni ledź nie pajšli sabaku pad chvost», — adznačajuć vałanciory.
Paralelna tajskija miedyki abmiarkoŭvali pytańnie budučaj apieracyi. Mierkavańni razychodzilisia: strachavaja kampanija paviedamlała ab mahčymaj transparciroŭcy pacyjentki ŭ Biełaruś, a doktar u špitali — ab hatoŭnaści pravieści ŭmiašańnie na miescy ŭžo na hetym tydni.
Paźniej stała viadoma, što daktary nie śpiašajucca z vypiskaj Nasty i płanujuć apieracyju na nastupnym tydni.
Pa vyniku pieravod biełaruski ŭ ahulnuju pałatu nie adbyŭsia. U hrupie paviedamili, što jaje raźmiaścili ŭ bolš kamfortnych umovach.
«Napiaredadni viečaram našu dziaŭčynku pieraviali ŭ narmalnuju pałatu. Ciapier lažyć jak pryncesa», — paviedamlajecca ŭ paście.
Zaŭtra ŭ Tajłand prylataje rodnaja siastra Anastasii ź Minska. Razam ź joj u špital pryjedzie jašče adzin donar z Banhkoka. Taksama vałanciory raspaviali, što jašče troje čałaviek z redkaj treciaj admoŭnaj hrupaj čakajuć, ci spatrebicca ich dapamoha dla apieracyi.
U hrupie adznačyli, što finansaŭ chapaje na lačeńnie: strachavy polis pakryvaje kala miljona bataŭ (bolš za 105 tysiač biełaruskich rubloŭ), a biahučyja vydatki składajuć tolki małuju častku hetaj sumy.
Niahledziačy na adsutnaść aficyjnaha zboru, u sacsietcy paviedamili, što čytačy i nieabyjakavyja ludzi sami pačali pieraličvać srodki ŭ padtrymku Nasty.
Kamientary
Začiem, jeśli "strachovoj polis pokryvajet około milliona batov (boleje 105 tysiač biełorusskich rublej), a tiekuŝije raschody sostavlajut liš małuju časť etoj summy"?
Da i pomimo strachovoho polisa ona javno nie biednaja, jeśli možiet pozvoliť siebie pojezdki v Taiłand. Davajtie diejstvitielno nuždajuŝimsia