Vyjšaŭ pierakład litoŭskaha ramana pra žančynu, jakaja zachoŭvaje kości dvuch mužčyn u siabie doma
U vydaviectvie «Pflaŭmbaŭm» vyjšaŭ raman Katryny Zile «Lubyja kości», pra pakupku pravoŭ na vydańnie jakoha paviedamlali ŭ pačatku 2025 hoda, piša Bellit.info.
Raman Katryny Zile «Lubyja kości» — historyja žyćcia žančyny, jakaja zachoŭvaje kości dvuch mužčyn u meblevaj siekcyi ŭ siabie ŭdoma. U atmaśfiernym, prasiaknutym mahičnaj realnaściu tvory pieraplatajucca paŭsiadzionnaść spalnych rajonaŭ Vilni i litoŭski falkłor.
Čas dziejańnia ramana niavyznačany, umoŭny. Žyćcio tut sustrakajuć i pravodziać u łaźni šmatkvaternaha doma, pastuchi jeździać na vyhan na tralejbusach, žyvioł trymajuć u kvaterach, chleb piakuć na leśvičnaj placoŭcy, kala paštovych skrynak; u domie ładziacca rytuały, adbyvajucca cudy.
«Styl apoviedu nahadvaje rytualny savan, u jaki zahornutyja klučavyja padziei, pačućci, uspaminy, probliski čornaha humaru i hrubaj movy, daśledujucca temy adnosin, viernaści, zababonaŭ i čałaviečnaści», — havorycca ŭ anatacyi.
Kniha azdoblenaja ilustracyjami mastaka Biarnardasa Burby, jaki maluje horad, jahonyja detali, uspaminy dziacinstva i paŭsiadzionnyja drobiazi.
Ź litoŭskaj movy raman «Lubyja kości» pierakłała Siuzanna Paŭkšteła.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary