U Koŭnie zatrymali ŭdzielnikaŭ padpolnaha zavoda pa vyrabie cyharet. Siarod ich — biełarusy
Usiaho zatrymali 11 padazravanych, ale kolki ź ich litoŭcy, i kolki — biełarusy, nie ŭdakładniajecca.
Jak piša LRT sa słoŭ načalnika kryminalnaha palicejskaha biuro Litvy Saŭlusa Bryhinasa, za adnu źmienu zatrymanyja mahli vyrablać da 200 pačkaŭ cyharet.
Košt usioj ich pradukcyi aceńvajuć da 30 miljonaŭ jeŭra. Pa jaho infarmacyi, heta adzin z samych vialikich padpolnych zavodaŭ cyharet u rehijonie Koŭna.
Udzielniki schiemy stroha vykonvali kanśpiracyju, kab paźbiehnuć vykryćcia.
«Na fabrycy, jak u Paŭdniovaj Amierycy, byŭ abstalavany padziemny tunel dla ŭciokaŭ — kab u vypadku palicejskaj apieracyi ŭdzielniki mahli schavacca», — adznačyŭ Bryhinas.
Arhanizataru vytvorčaści pahražaje pakarańnie ad 10 da 20 hadoŭ pazbaŭleńnia voli abo pažyćciovaje źniavoleńnie.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary