У Коўне затрымалі ўдзельнікаў падпольнага завода па вырабе цыгарэт. Сярод іх — беларусы
Усяго затрымалі 11 падазраваных, але колькі з іх літоўцы, і колькі — беларусы, не ўдакладняецца.
Падпольны завод у Коўне. Фота: Дэпартамент паліцыі Літвы
Як піша LRT са слоў начальніка крымінальнага паліцэйскага бюро Літвы Саўлюса Брыгінаса, за адну змену затрыманыя маглі вырабляць да 200 пачкаў цыгарэт.
Кошт усёй іх прадукцыі ацэньваюць да 30 мільёнаў еўра. Па яго інфармацыі, гэта адзін з самых вялікіх падпольных заводаў цыгарэт у рэгіёне Коўна.
Падпольны завод у Коўне. Фота: Дэпартамент паліцыі Літвы
Удзельнікі схемы строга выконвалі канспірацыю, каб пазбегнуць выкрыцця.
«На фабрыцы, як у Паўднёвай Амерыцы, быў абсталяваны падземны тунэль для ўцёкаў — каб у выпадку паліцэйскай аперацыі ўдзельнікі маглі схавацца», — адзначыў Брыгінас.
Арганізатару вытворчасці пагражае пакаранне ад 10 да 20 гадоў пазбаўлення волі або пажыццёвае зняволенне.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары