Biełaruski karotkamietražny chorar Judgment of the Dead («Sud miortvych») režysiora Andreja Kašpierskaha trapiŭ u prahramu Mižnarodnaha fiestyvalu Macabro ŭ Mieksicy. Infarmacyju pra heta zaŭvažyła «Lusterka».
Film natchniony realna dziejučym u našaj krainie zakonam, jaki byŭ pryniaty ŭ 2023 hodzie. Zhodna jamu, u Biełarusi možna sudzić pamierłych.
Chorar raspaviadaje historyju, u jakoj sudy adbyvajucca nad pamierłymi praciŭnikami režymu — u ich adbirajuć majomaść.
«Asudžanyja biełarusy ŭstajuć ź miortvych i iduć da sudździ», — napisana ŭ sinopsisie da stužki.
Hałoŭnuju rolu vykanała Zoja Biełachvościk, jakaja pajšła z Kupałaŭskaha teatra ŭ 2020 hodzie ŭ znak pratestu suprać hvałtu paśla prezidenckich vybaraŭ.
Andrej Kašpierski raspaviadaŭ «Biełsatu», što jahony film — « iraničny».
«Ironija jakraz u tym samym zakonie, jaki sapraŭdy pryniali ŭ Biełarusi. Heta kropka adliku majho natchnieńnia. I naša ironija pačynajecca z samaha pieršaha ekspazicyjnaha kadra:»zasnavana na realnych padziejach». Z hetaha punktu ironija pranizvaje ŭvieś tvor.», — kazaŭ jon.
Režysior adznačyŭ, što chorar raźličany nie tolki na biełaruskaha hledača, i paabiacaŭ, što ŭ kancy 2025 hoda pastarajecca vykłaści jaho ŭ adkryty dostup — na stryminh abo jutub, kab jaho mahła pahladzieć jak maha bolšuju kolkaść hledačoŭ
Praciahłaść filma — 15 chvilin.
Jak udakładniaje «Lusterka», Macabro — pieršy i najbujniejšy fiestyval žanravaha kino ŭ Mieksicy i druhi pa vieličyni ŭ Łacinskaj Amierycy. Jon byŭ zasnavany ŭ 2002 hodzie ŭ Miechika i pryśviečany pakazu filmaŭ žachaŭ niezaležnych režysioraŭ, a taksama kłasiki i kultavych karcin. U 2025 hodzie fiestyval prachodzić u 24-y raz z 19 pa 31 žniŭnia.
-
«Čužy: Ziamla» — krytyki raschvalvajuć novy sieryjał pa kultavaj kinafranšyzie. A što nasamreč?
-
Pamior akcior Terens Stemp, viadomy pa rolach u «Supiermienie» i «Zornych vojnach»
-
Biełaruskija akciory, jakija syhrali hałoŭnyja roli ŭ niamiecka-aŭstryjskim filmie, atrymali ŭznaharody na kinafiestyvali ŭ Łakarna
Ciapier čytajuć
Pamior narodny artyst Biełarusi Jarasłaŭ Jeŭdakimaŭ — vykanaŭca chitoŭ «Začarovanaja maja» i «Fantazior»10
Kamientary