Nie płacili kamunałki i stracili kvatery. Ciapier hetaje žyllo možna kupić pa canie, nižejšaj za rynkavuju
Pieryjadyčna na aŭkcyjonach u Minsku pradajuć kvatery z «historyjaj»: ich uładalniki nie płacili kamunałki, i ŭ vyniku žyllo ŭ ich adbirajuć i prapanujuć pa canie, nižejšaj za rynkavuju. U tarhach moža pryniać udzieł luby achvotny. Jakija varyjanty jość ciapier, piša Onliner.
Adna z takich kanfiskavanych kvater znachodzicca ŭ domie pa adrasie Hrybny zavułak, 28, u Paŭnočnym pasiołku ŭ miežach Minska. Heta panelny šmatpaviarchovik 1990 hoda pabudovy. Adnapakajoŭka płoščaj 33,8 kv. m znachodzicca na druhim paviersie. Achvotnyja pazmahacca za hety łot pavinny padrychtavać jak minimum 166 000 rubloŭ (prykładna $58 200 u ekvivalencie) — heta pačatkovy košt, jaki padčas tarhoŭ moža pavialičycca.
Krok tarhoŭ — 5% ad pieršapačatkovaj ličby.
Kvatera na vulicy Mičuryna, 10, maje toj ža mietraž, ale ŭžo padzielena na dva pakoi. Sam dom davoli stary — 1958 hoda pabudovy. Jon trochpaviarchovy, cahlany, staić pasiaredzinie pamiž stancyjami mietro «Mahiloŭskaja» i «Aŭtazavodskaja». Dvuchpakajoŭka płoščaj 33,8 mietra znachodzicca na pieršym paviersie.
Tarhi pačnucca z adznaki 158 000 rubloŭ (prykładna $55 400 pa kursie).
Na Kabuškina, 76, budzie šukać novych žylcoŭ kvatera płoščaj 31,4 kv. m. Adnapakajoŭka znachodzicca na čaćviortym paviersie cahlanaj piacipaviarchoŭki, pabudavanaj u 1951 hodzie. Varta adznačyć, što raźmiaščeńnie abjekta dobrym nie nazavieš: pobač raskinułasia vielizarnaja terytoryja mašynabudaŭničaha pradpryjemstva MAZ. Zatoje da Čyžoŭskaha vadaschovišča adsiul litaralna 10 chvilin pieššu. Pieršapačatkovaja cana prapanovy — 153 000 rubloŭ (prykładna $53 600).
Jašče adna kanfiskavanaja kvatera jość u domie pa adrasie Vaśniacova, 8/1. Dom panelny, 1966 hoda pabudovy. Pobač — park imia Čynhiza Ajtmatava, krychu dalej — stancyja mietro «Partyzanskaja». Małahabarytka płoščaj 29,5 kv. m raźmieščana na čaćviortym paviersie budynka. Aŭkcyjon startuje z pačatkovaj staŭki ŭ 153 000 rubloŭ (prykładna $53 600).
Na Bajkalskaj, 66/1, budzie šukać novych uładalnikaŭ adnapakajoŭka płoščaj 33,2 kv. m. Jana znachodzicca na šostym paviersie panelnaj dzieviacipaviarchovika. Dom pabudavany tut u 1982-m. Z aryjenciraŭ — pobač stancyja mietro «Mahiloŭskaja». Pačatkovy košt łota — 183 000 rubloŭ (prykładna $64 210 pa kursie).
Cahlany dzieviacipaviarchovik na vulicy Akademika Krasina, 24, pabudavany ŭ pasiołku Sosny ŭ 2001 hodzie. U im buduć pradavać kvateru płoščaj 39,3 kv. m. Jana znachodzicca na siomym paviersie doma. Tarhi pačnucca z sumy 179 000 rubloŭ (prykładna $62 800).
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»4
Kamientary