Kitajec prysvoiŭ kašalok biełarusa, ale stroha karać jaho nie stali
Žychar Kitaja, jaki prylacieŭ u minski aeraport, znajšoŭ kašalok biełarusa z bujnoj sumaj hrošaj i zabraŭ jaho sabie, adnak zamiest kryminalnaj adkaznaści atrymaŭ tolki štraf, paviedamlaje «Minskaja praŭda».
Incydent adbyŭsia ŭ lutym na terytoryi Nacyjanalnaha aeraporta «Minsk». Mužčyna, jaki prylacieŭ u Biełaruś z kitajskaha Šanchaja, zaŭvažyŭ kašalok, jaki niechta vypadkova pakinuŭ, i vyrašyŭ zabrać jaho sabie. Unutry znachodzilisia hrošy i inšaja majomaść na ahulnuju sumu 2948 rubloŭ.
Padčas papiaredniaha rasśledavańnia abvinavačany całkam pryznaŭ svaju vinu, viarnuŭ kašalok z hrašyma i kampiensavaŭ paciarpiełamu maralnuju škodu. Sud uličyŭ jaho raskajańnie i toje, što škoda była kampiensavanaja, tamu mužčynu pryciahnuli nie da kryminalnaj, a da administracyjnaj adkaznaści. U vyniku jon zapłaciŭ štraf sumaj 1350 rubloŭ u dachod dziaržavy.
U prakuratury taksama adznačyli, što situacyja adbyłasia ŭ tym liku z-za nieaściarožnaści paciarpiełaha: jon vypadkova vypuściŭ partmanet na stajancy taksi kala budynka aeraporta.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary