Biełaruska pradała svoj telefon na polskim sajcie, a atrymać hrošy nie moža, bo skončyŭsia jaje DNŽ
Kryścina pradała telefon na anłajn-płatformie Vinted. Na rachunak pavinna było pryjści bolš za 1000 złotych (250 jeŭra), ale atrymać ich biełaruska tak i nie zmahła.
Usio tamu, što sistema zapytała danyja dla vieryfikacyi, a prajści jaje možna tolki z sapraŭdnym dakumientam Polščy, dzie zaraz žyvie dziaŭčyna. Ale jaje DNŽ niadaŭna skončyŭsia, a novy jana tolki čakaje. Pra sproby viarnuć hrošy jana raskazała Most.
rečy, ale raniej nie sutykałasia z patrabavańniem prajści vieryfikacyju. Dziaŭčyna miarkuje, heta z-za taho, što sumy papiarednich prodažaŭ byli nižejšyja. Kali ž na rachunak pavinna było pryjści bolš za 1000 złotych, uklučyŭsia dadatkovy miechanizm abarony.
Na sajcie Vinted.pl sapraŭdy napisana, što płatforma moža paprasić karystalnika dasłać kopiju dakumienta, jaki paćviardžaje asobu, u ramkach pracedury KYC (ad anhł. Know Your Customer — Viedaj svajho klijenta). Heta robicca dla biaśpieki i zachavańnia mižnarodnych pravił pa supraćdziejańni machlarstvu i admyvańniu hrošaj. Dla vieryfikacyi padychodzić dakumient z fatahrafijaj: pašpart, DNŽ, pravy. Praŭda, na sajcie placoŭki MOST nie ŭdałosia znajści paćvierdžańnia, što patrebny mienavita polski dakumient.
Kryścina spačatku vyrašyła vieryfikavacca pa biełaruskim pašparcie, ale akazałasia, što jana pavinna pradastavić dakumient krainy, u jakoj pražyvaje. Polski DNŽ dziaŭčyny skončyŭsia ŭ studzieni, tamu nie padyšoŭ. Pravoŭ kiroŭcy ŭ jaje niama.
Biełaruska zahadzia padała dakumienty na novy vid na žycharstva. Ale ŭ Padlaskim vajavodstvie, dzie jana žyvie, terminy razhladu spraŭ u apošni čas raściahvajucca. Pavodle jaje prahnozaŭ, čakać novaj karty joj jašče miesiacaŭ piać.
«Tvaje hrošy buduć zamarožanyja»
Apynuŭšysia ŭ tupiku, Kryścina stała pisać u słužbu padtrymki płatformy. Tłumačyła, što znachodzicca ŭ Polščy lehalna, pakolki padała dakumienty na novy DNŽ da zakančeńnia terminu dziejańnia papiaredniaha, što na čas čakańnia zakon nie abmiažoŭvaje jaje ŭ apieracyjach. Doŭhaja pierapiska — i ŭsio toj ža adkaz: «U situacyi, jakaja skłałasia, niama inšaha rašeńnia. Kali dakumienty praterminavanyja, treba aformić novyja».
— Siadzi čakaj, tvaje hrošy buduć zamarožanyja, — padvodzić vynik razmovy Kryścina.
Jana pryznajecca, što joj prychodziła dumka pasprabavać pieraaformić akaŭnt na muža: jaho dakumienty ŭ paradku. Ale ad takoj zadumy dziaŭčyna admoviłasia: paličyła, što heta vykliča jašče bolš padazreńniaŭ, da taho ž jana nie ŭpeŭnienaja, što taki krok naohuł byŭ by lehalny abo technična ažyćciavimy.
Ciapier dostup da jaje profilu na Vinted zastajecca zabłakavanym. Adnavić dostup biełaruska raźličvaje paśla atrymańnia novaj karty pobytu. Mahčyma, dakumient atrymajecca atrymać hetym letam.
Ciapier čytajuć
«Nabližajecca momant pierałomu situacyi». Vadzim Kabančuk pra płan dla biełarusaŭ19
«Nabližajecca momant pierałomu situacyi». Vadzim Kabančuk pra płan dla biełarusaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary