Kučynski raskrytykavaŭ litoŭskuju prapanovu zabaranić biełarusam z časovym žycharstvam kuplać nieruchomaść
Dzianis Kučynski, kiraŭnik litoŭskaha Ofisa Śviatłany Cichanoŭskaj, raskrytykavaŭ novuju inicyjatyvu litoŭskich kansiervataraŭ. Deputaty prapanujuć zabaranić hramadzianam Biełarusi, jakija majuć tolki časovy dazvoł na žycharstva, kuplać nieruchomaść u Litvie, piša LRT.
Kučynski adznačaje, što ludzi, jakija majuć DNŽ u Litvie, užo prajšli dbajnyja pravierki departamienta biaśpieki. Kali im dazvolili žyć u krainie, značyć, jany nie ŭjaŭlajuć pahrozy.
Tamu zabarona na kuplu žylla vyhladaje jak niaŭdałaja sproba pastavić pad sumnieŭ ekśpiertyzu samich litoŭskich dziaržorhanaŭ.
Daradca Cichanoŭskaj padkreśliŭ, što navat va Ukrainie, niahledziačy na vajnu, niama padobnych abmiežavańniaŭ dla biełarusaŭ.
Jon nahadaŭ słovy prezidenta Ukrainy ab tym, što biełaruski narod nie pavinien adkazvać za dziejańni režymu Łukašenki.
«I prezident Zialenski jasna kazaŭ, što biełarusy nie pavinny adkazvać za toje, što robić Łukašenka. Takich abmiežavańniaŭ va Ukrainie my taksama nie majem — biełarusy, jakija tam žyvuć, mohuć kuplać majomaść. U Polščy taksama», — skazaŭ jon.
Pavodle słoŭ pradstaŭnika Cichanoŭskaj, častka biełaruskaha hramadstva, jakaja žyvie za miažoj, źjaŭlajecca prajeŭrapiejskaj, tamu dla jaje važnaja mabilnaść i sihnał ad inšych krain, što Jeŭropa ich padtrymlivaje.
Pavodle słoŭ Kučynskaha, takaja zabarona daść zrazumieć biełarusam, što im nie rady ŭ Litvie.
«[U vypadku zabarony na nabyćcio majomaści] sihnał, ja dumaju, budzie taki, što nie vielmi chočacca, kab biełarusy žyli ŭ Litvie, i tady heta aznačaje, što jany źjeduć u Polšču ci inšyja jeŭrapiejskija krainy», — skazaŭ jon.
Heta moža pryvieści da adtoku prajeŭrapiejskich hramadzian, jakija płaciać padatki i raźvivajuć litoŭskuju ekanomiku, u inšyja krainy ES — naprykład, u tuju ž Polšču.
Litoŭskija kansiervatary prapanujuć abmiežavać nabyćcio nieruchomaści ŭ Litvie dla hramadzian Biełarusi i Rasii. Z takoj inicyjatyvaj u Siejmie vystupili pradstaŭniki apazicyjnaj partyi «Sajuz Ajčyny — Chryścijanskija demakraty Litvy». Jany prapanujuć unieści papraŭki ŭ zakon ab abmiežavalnych mierach, pryniatych u suviazi z vajnoj va Ukrainie.
***
Kali vy žyviacie ŭ Litvie, to možacie za chvilinu padtrymać «Našu Nivu» častkaj vašaha padachodnaha padatku. Heta nie budzie kaštavać vam ani centa.
Vy prosta pieranakirujecie 1,2% ad užo spłačanaha vami padatku pry padačy štohadovaj dekłaracyi.
Voś padrabiaznaja instrukcyja, jak heta zrabić, kali vy pracujecie ŭ Litvie.
Ciapier čytajuć
Taksistka z Tadžykistana naśmierć źbiła biełarusku ŭ Polščy — i spakojna pakinuła krainu19
Kamientary
Achachachacha, dy ŭsie biełarusy daŭno ŭžo zrazumieli, što im nie rady ŭ Litvie. Niaŭžo spadar Kučynski tolki paśla hetaj prapanovy pryjšoŭ da takoj vysnovy? Tam ceły nabor dyskryminacyjnych zakonaŭ isnuje. Ja ŭžo nie kažu pra piermanientnyja niehatyŭnyja (miakka kažučy) vykazvańni z boku častki litoŭskich palitykaŭ u bok biełarusaŭ