Što adbyvajecca z kvitkami na aŭtobusy ź Minska ŭ Vilniu paśla masavaj admieny rejsaŭ? Heta niešta nienarmalnaje
Trapić na aŭtobusie ź Biełarusi ŭ Litvu naŭrad ci atrymajecca raniej, čym praz paŭtara tydni.
Nahadajem: 12 žniŭnia stała viadoma, što bujny pieravozčyk «Jeŭrałajns» admianiaje 75% svaich rejsaŭ pamiž Biełaruśsiu i Litvoj. Paśla anałahičnuju abviestku zrabiŭ i «Minsktrans».
Heta pryviało da łakalnaha kałapsu, bo vialikaja kolkaść ludziej, jakija ŭžo mieli kvitki na rukach, vymušany byli terminova šukać inšyja varyjanty dabracca.
Kiraŭnica adździeła kamunikacyj Ministerstva transpartu Litvy Asta Dudurycie ŭ kamientaryi dla «Biełsat» rastłumačyła, što miažu pierasiakaje bolš aŭtobusaŭ, čym dazvolena, i pieravozčykam vydali papiaredžańnie. «Hetaje papiaredžańnie było efiektyŭnym, bo kolkaść aŭtobusaŭ źniziłasia da dapuščalnaha ŭzroŭniu».
Jakaja ž ciapier situacyja z kvitkami na aŭtobusy, jakija kursirujuć pamiž stalicami Biełarusi i Litvy.
U «Ekałajns» bližejšyja kvitki ź Minska ŭ Vilniu jość na 2 vieraśnia. Vybirać čas adpraŭleńnia asabliva mahčymaści niama: bolšaść rejsaŭ i na hety dzień raskuplena. Kvitki kaštujuć pa 270 rubloŭ.
Na hetuju ž datu jość niašmat kvitkoŭ u «Jeŭrałajns», kaštujuć jany daražej — pa 83 jeŭra (pryblizna 307 rubloŭ).
Ahrehatar kvitkoŭ infobus.by ź bližejšych dat prapanoŭvaje tolki 8 vieraśnia. Tam jość rejsy ad dvuch mienšych pieravozčykaŭ. Kvitki kaštujuć pa 190 rubloŭ.
Servis dla pakupki kvitkoŭ «Atłas» moža prapanavać apošnija dva kvitki na 8 vieraśnia. Košt adnaho — 190 rubloŭ.
Pry hetym kali płanavać vandroŭku zahadzia i kuplać kvitki prykładna za miesiac, to možna znajści bolš-mienš pryjemnyja ceny ŭ roznych pieravozčykaŭ. Naprykład, «Jeŭrałajns» pradaje na 22 vieraśnia kvitki pa maršrucie Minsk — Vilnia za 61 jeŭra (ci prykładna 222 rubli).
A voś znajści advarotnyja kvitki ź Vilni ŭ Minsk značna praściej — možna nabyć navat dzień u dzień.
Ciapier čytajuć
Biełarusy ŭ sacsietkach aburajucca, što dekretnicam nibyta płaciać bolš, čym tym, chto chodzić na pracu16
Biełarusy ŭ sacsietkach aburajucca, što dekretnicam nibyta płaciać bolš, čym tym, chto chodzić na pracu
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii11
Kamientary