Žurnalistaŭ niedziaržaŭnych miedyjaŭ i fryłansieraŭ da budynka abłasnoj upravy KDB dapuścili tolki paśla skančeńnia aficyjnaj častki ŭračystaści. Fota- i videazdymki im nastojliva raili nie rabić ludzi ŭ cyvilnym, kab nie było nieparazumieńniaŭ.
Fatahrafavać i rabić videazdymki supracoŭniki ŭ cyvilnym žurnalistam zabaranili na toj padstavie, što ŭ ich nie było dakumienta z adpaviednym redakcyjnym zadańniem. Pakul doŭžyłasia impreza, hetyja supracoŭniki nie adychodzili ad žurnalistaŭ. Tym časam tyja, chto prosta pryjšoŭ pabačyć adkryćcio pamiatnaha znaku, fatahrafavali ŭračystaść biez abmiežavańniaŭ. Na placoŭku pierad pamiatnym znakam dapuścili tolki žurnalistaŭ aficyjnych ŚMI.
Uračystaść adkryćcia pamiatnaha znaku prachodziła pry uzmocnienych zachadach biaśpieki. Adnu z centralnych vulic horada, Pijanierskuju, na dźvie hadziny pierakryli. Za hety čas na bližejšych pierakryžavańniach utvarylisia zatory. Da budynka abłasnoj upravy KDB prapuskali tolki, jak vynikała z tłumačeńniaŭ supracoŭnikaŭ u cyvilnym, zaprošanych asobaŭ. A niezaprošanym prapanoŭvałasia panazirać za adkryćciom pamiatnaha znaku praz prajeznuju častku — z adlehłaści ŭ piaćdziasiat mietraŭ.
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary