Na čarhovaj pres-kanferencyi dyplamat raskazvaŭ pra sajuznuju dziaržavu, ceny na haz i perspektyvy budaŭnictva rasiejcami AES u Biełarusi.
Rasiejski dyplamat upeŭnieny, što pytańnie z padpisańniem kanstytucyjnaha aktu pavinna chutka vyrašycca: «Asnoŭnym kryteram vynikovaści našaj sumiesnaj pracy, biezumoŭna, źjaŭlajecca palapšeńnie žyćcia hramadzian Biełarusi i Rasiei. U kiraŭnictva Biełarusi i Rasiei niama alternatyvy, jak dalej naroščvać ekanamičnyja płoskaści, a heta pryviadzie nas da tych vynikaŭ, jakich my čakajem u palityčnaj płoskaści».
Na dumku Surykava, dla padpisańnia aktu zastalisia nievialikija momanty, vyrašyć jakija «sprava techniki»: «Padčas padpisańnia adzinaj mytnaj damovy, byli zafiksavanyja svaje punkty hledžańnia pa adzinym enerhietyčnym i transpartnym prastorach. Heta nia strata suverenitetu, ale pieradača dziaržavaj peŭnych funkcyj. Treba uzakońvać «sajuznuju dziaržavu» ŭ taki stanie, jak siońnia majem, albo pryvodzić da inšaha stanu, to bok vybirać adzinaha prezydenta, asobny parlament i h.d. Jakija čynam ich farmiravać — sprava techniki».
Hałoŭnaj zadačaj kanstytucyjnaha aktu Surykaŭ nazvaŭ farmiravańnie pravavoha pola, dzie nie pavinna być sutyknieńnia nacyjanalnych i sajuznych struktur.
Voś što skazaŭ A.Surykaŭ adnosna pabudovy druhoj haliny trubapravodu «Jamał — Eŭropa»: «Ja nia lezu ŭ palityčny składnik hetaha pytańnia. Dla mianie vidavočna, što heta ekanamičnaje pytańnie. Heta viečnaje sutyknieńnie krain‑vytvorcaŭ, tranzytnych krain i spažyŭcoŭ. My ŭ lubym vypadku skončym spačatku budaŭnictva «Nord Stream». U pieršuju ciapier nas chvaluje mienavita jon».
Što da atamnaj stancyi, to rasiejcy buduć «prystrelvacca da hetaj sytuacyi». «My razumiejem, što budzie ci konkurs, ci asobnaje rašeńnie prezydenta. «Atambudekspart» rychtujecca da hetaha. Jany niadaŭna zrabili AES u Kitai, i zrabili niabłaha. Chto pieramoža na konkursie? Toj, chto prapanuje najbolš tanny i chutki sposab budaŭnictva. Pahadnieńnie pa mahčymym kredytavańni budaŭnictva AES i pastaŭcy adpaviednaj techniki isnuje. Takoje pahadnieńnie jašče letam padpisaŭ biełaruski vice‑premjer Siamaška», — skazaŭ rasiejski pasoł.
Rost cenaŭ na haz sioleta nie pavinien pieravysić 10 %. «Formuła cany moža pryvieści nas da rostu i da 150 dalaraŭ za tysiaču kubametraŭ, ale ŭ adpaviednaści z damovami jana nia moža pieravysić 10 % ad cany, jakaja była ŭ pačatku hodu — 119,5 dalaraŭ», — kaža A.Surykaŭ.
Na dumku rasiejskaha dyplamata, sa źmienaj ułady ŭ Rasiei nijakich pieramienaŭ u adnosinach miž Biełaruśsiu i Rasiejaj nie pradbačycca.
Kamientary