Padčas pryjomu ŭ Biełym domie prezidenta Polščy Karala Naŭrockaha prezident ZŠA Donald Tramp zrabiŭ niekalki zajaŭ pa pytańni vajny va Ukrainie i palityki ŭ dačynieńni da Rasii.
«U mianie niama zajavy dla Pucina, jon viedaje maju pazicyju. Jon pavinien pryniać rašeńnie. Kali ja budu niezadavoleny hetym rašeńniem, vy ŭbačycie, što adbudziecca», — zajaviŭ Tramp.
Jon paabiacaŭ pravieści razmovu z Pucinym na praciahu niekalkich dzion i paśla vyznačycca z nastupnaj palitykaj.
Polski reparcior spytaŭ u Trampa, čamu jon šmat razoŭ vykazvaŭ rasčaravańnie Pucinym, ale nie rabiŭ nijakich dziejańniaŭ.
«Adkul vy viedajecie, što nijakich dziejańniaŭ nie było? Vy b skazali, što ŭviadzieńnie druhasnych sankcyj suprać Indyi, najbujniejšaha pakupnika za miežami Kitaja, — heta nijakich dziejańniaŭ nie było? Heta kaštuje Rasii sotni miljardaŭ dalaraŭ. I ja jašče nie zaviaršyŭ ni druhuju, ni treciuju fazy.
Ale kali vy kažacie, što nijakich dziejańniaŭ nie było, ja dumaju, vam varta znajści sabie novuju pracu. Tamu što, kali vy pamiatajecie, dva tydni tamu ja heta zrabiŭ. Ja skazaŭ, što kali Indyja kupić, Indyja budzie mieć vialikija prablemy. I heta mienavita toje, što adbyłosia. Tak što nie raskazvajcie mnie pra heta», — skazaŭ prezident ZŠA.
Tramp adznačyŭ, što jahonyja adnosiny z Pucinym, staršynioj KNR Si Czińpinam i paŭnočnakarejskim lidaram Kim Čen Ynam vielmi dobryja, ale zajaviŭ, što praz paru tydniaŭ vyśvietlicca, nakolki heta tak.
Prakamientavaŭ jon i kitajski vajskovy parad u Piekinie, na jakim prysutničali siarod inšych taksama Pucin i Łukašenka:
«Ja dumaju, što heta było vielmi i vielmi ŭražliva, ale ja razumieŭ, čamu jany heta rabili: jany spadziavalisia, što ja za imi naziraju, i ja za imi naziraŭ», — skazaŭ Donald Tramp.
«Navat u dumkach nie było». U Kramli zajavili, što Pucin, Si i Kim nie plali zmovu suprać ZŠA
Tramp daviedaŭsia «cikavyja rečy» pra Rasiju i Ukrainu, ale pakul pra ich nie havoryć
«Ja vielmi rasčaravany ŭ im». Tramp niezadavoleny pavodzinami Pucina
Z asabistaj sustrečaj Pucina i Zialenskaha nosiacca jak ź pisanaj torbaj. Ale što jana nasamreč źmienić?
Kamientary