U noč na sieradu ź Biełarusi ŭ Litvu sprabavali prarvacca 38 nielehałaŭ
U noč na sieradu kala Varenskaha i Łaździjskaha rajonaŭ ź Biełarusi ŭ Litvu sprabavali prarvacca 38 nielehalnych mihrantaŭ. Ubačyŭšy pamiežnikaŭ, nielehały viarnulisia ŭhłyb terytoryi Biełarusi.
Pieršuju hrupu nielehałaŭ nočču zafiksavali ŭ Varenskim rajonie. Dzieviać nielehałaŭ z samarobnymi leśvicami da miažy daviali dvoje mužčyn, što chavali svaje tvary, vierahodna — pradstaŭniki dziaržaŭnych struktur Biełarusi, piša Delfi.lt.
Kali supravadžajučyja syšli, nielehały pastavili leśvicy, abapioršy ich na achoŭny barjer z kalučym drotam. Akramia taho, na miescy na ziamli lažyć «piramida» z kalučaha drotu.
Pa danych Słužby achovy dziaržaŭnaj miažy, nielehały płanavali padniacca na vyšyniu 4,5 m i zatym skoknuć z zahonu. Jak tolki jany nablizilisia da zahonu, ich zafiksavali pamiežniki, jakija nieadkładna vyjechali na miesca. Nielehały nie paśpieli zabracca na leśvicu, kali ŭbačyli śviatło mašyny pahraničnikaŭ. Tady mihranty nieŭzabavie viarnulisia na terytoryju Biełarusi. Pakinutyja leśvicy zabrali pahraničniki.
Pad padobnymi abstavinami minułaj nočču ŭ Łaździjskim rajonie sprabavali prabracca jašče dźvie hrupy nielehałaŭ. U abodvuch vypadkach pamiežniki reahavali imhnienna. Nielehały nie paśpieli prabracca na terytoryju Litvy i adstupili ŭhłyb Biełarusi.
U Litvu ź Biełarusi sprabujuć prabracca fizična macniejšyja, zdarovyja mužčyny ŭzrostam 20—40 hadoŭ. Pa dadzienych Słužby achovy dziaržmiažy, hetyja ludzi nie majuć patreby ŭ dapamozie, ni Litva, ni prytułkaŭ u Litvie ich nie cikavić, u ich jość adna meta — nielehalna dabracca da Zachodniaj Jeŭropy, pieravažna da Hiermanii.
Zhodna z danymi na 3 vieraśnia 2025 hoda, sioleta litoŭskija pahraničniki spynili 1118 vypadkaŭ praniknieńnia nielehałaŭ. U Polšču i Łatviju nie ŭpuścili adpaviedna 24 470 i 9247 nielehałaŭ.
-
Biełarus z prablemami ź psichikaj staŭ u Rasii naminalnym dyrektaram. A jak sprava nakryłasia, zabrali na front — u adzin kaniec
-
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
-
«Kibierpartyzany» i hrupa Silent Crow zajavili pra ŭzłom Rasstata i atrymańnie danych pra vajskovyja straty
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich16
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary