Amal pałova rasijan padtrymlivaje rašeńnie ab błakiroŭcy zvankoŭ u miesiendžarach Telegram i WhatsApp, piša «Mieduza» sa spasyłkaju na danyja apytańnia «Levady».
Całkam padtrymlivajuć dziejańni ŭłady 25% respandentaŭ, «chutčej padtrymlivajuć» — 24%. Zusim nie padtrymlivajuć hetyja miery 23% apytanych, «chutčej nie padtrymlivajuć» — 18%. Jašče 10% nie zmahli adkazać.
Siarod prychilnikaŭ błakiroŭki 56% tłumačać svaju pazicyju nieabchodnaściu baraćby z machlarami, 24% ličać, što tak zabiaśpiečvajecca biaśpieka ludziej, asabliva padletkaŭ i starych, kožny piaty prychilnik zabarony (19%) miarkuje, što heta nieabchodna dziela baraćby z teraryzmam i dziela dziaržaŭnaj biaśpieki.
Asabista z prablemami ŭ pracy miesiendžaraŭ za apošni miesiac sutyknulisia 63% respandentaŭ. Pałavinie ź ich, pavodle ich słoŭ, heta tak ci inakš uskładniła žyćcio.
Ułady RF abviaścili pra «abmiežavańnie» zvankoŭ u Telegram i WhatsApp 13 žniŭnia.
Aficyjna heta tłumačyłasia baraćboj z telefonnymi machlarami. Pry hetym, pavodle danych CB, machlary zvoniać rasijanam pa zvyčajnym telefonie ŭ try razy čaściej, čym praź miesiendžary.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»19
Kamientary