USU zajavili pra ŭdary pa jašče dvuch mastach na akupavanych terytoryjach
Jak paviedamlaje Hienieralny štab Uzbrojenych sił Ukrainy, ukrainskich vajskoŭcam udałosia parazić aŭtamabilny most u rajonie akupavanaha Azoŭskaha ŭ Zaparožskaj vobłaści i čyhunačny most u nasielenym punkcie Ički ŭ anieksavanym Krymie.
Ukrainski bok śćviardžaje, što hetyja abjekty vykarystoŭvalisia rasijskimi vojskami dla pierakidańnia asabovaha składu, uzbrajeńnia i bojeprypasaŭ. Vyniki ŭdaraŭ pakul udakładniajucca.
Akramia hetych mastoŭ, taksama paviedamlajecca pra ataki na punkty kiravańnia bieśpiłotnikami ŭ roznych rehijonach, uklučajučy Biełharadskuju, Danieckuju i Zaparožskuju vobłaści, a taksama kamandna-naziralny punkt u rajonie Staramłynaŭki ŭ Vałnavachskim rajonie Danieckaj vobłaści.
Asobna Hienštab paviedamiŭ pra vyniki ŭdaru pa naftapierapracoŭčym zavodzie ŭ Słaviansku-na-Kubani Krasnadarskaha kraju, dzie, pavodle ich danych, byli źniščanyja i paškodžanyja reziervuary dla nafty i ŭstanoŭka pierapracoŭki.
Raniej ukrainskija vajskoŭcy ŭžo paviedamlali pra paražeńnie inšych mastoŭ u Danbasie i Łuhanskaj vobłaści ŭ ramkach dziejańniaŭ, nakiravanych na parušeńnie vajennaj łahistyki rasijskich sił.
Kamientary
Słava ZSU 👍💪