Zbornaja Francyi ŭpeŭniena vyjšła ŭ 1/8 finału čempijanatu śvietu, pieramohšy Šviecyju ź likam 3:0. Francuzy pry hetym mieli vialikuju kolkaść halavych momantaŭ i mahli pieramahčy jašče bolš pierakanaŭča.
U pieršym tajmie francuzy nie śpiašalisia pavialičvać temp, ale pastupova całkam zavałodali inicyjatyvaj. Jany nieadnarazova pahražali varotam supiernika, traplali ŭ štanhu i stvarali niebiaśpiečnyja momanty. A na 45‑j chvilinie Kilijan Mbape adkryŭ lik paśla chutkaha rozyhryšu vuhłavoha.
Paśla pierapynku Francyja praciahvała kantralavać hulniu. Na 53‑j chvilinie Majkł Alise vyvieŭ Bredli Barkała sam-nasam z bramnikam, i toj padvoiŭ pieravahu. Dla Alise heta ŭžo čaćviortaja halavaja pieradača na turniry — jon staŭ adnym z najlepšych asistentaŭ čempijanatu.
Na 74‑j chvilinie Alise znoŭ staŭ aŭtaram vynikovaj pieradačy, a Mbape aformiŭ dubl, dakładna realizavaŭšy vychad sam-nasam.
Hety hoł staŭ dla francuzskaha forvarda piatym na turniry, i pa hetym pakazčyku jon dahnaŭ arhiencinca Lijanela Miesi ŭ śpisie najlepšych bambardziraŭ čempijanatu. Akramia taho, paśla siońniašniaha dubla 27‑hadovy Mbape ŭsiaho na adzin hoł adstaje ad 39‑hadovaha Miesi ŭ śpisie najlepšych bambardziraŭ čempijanataŭ śvietu za ŭsiu historyju. Na rachunku Miesi 19 hałoŭ, u Mbape — 18. Francuzski napadajučy taksama staŭ rekardsmienam pa kolkaści hałoŭ, zabitych u płej-of turniru (10).
Zbornaja Šviecyi za ŭvieś matč amal nie stvaryła niebiaśpiečnych momantaŭ. Jaje viadučyja napadniki Viktar Dźjokiereš i Alaksander Isak praktyčna nie atrymlivali miačoŭ u atacy. Tolki naprykancy sustrečy Dźjokiereš mieŭ dobruju mahčymaść zabić, ale bramnik francuzaŭ Majk Mieńjan vyratavaŭ svaju kamandu.
Pavodle statystyki, Francyja naniesła 25 udaraŭ pa varotach suprać 8 u šviedaŭ, a pa ŭdarach u stvor pieramahła ź likam 12:3. Pa čakanych hałach francuzy taksama mieli vialikuju pieravahu — 3,17 suprać 0,67.
U nastupnym raŭndzie płej-of 5 lipienia zbornaja Francyi sustreniecca z Parahvajem.
Zbornaja Narviehii prajšła Kot dJIvuar dziakujučy piatamu hołu Chołanda
Niderłandy — fienomien čempijanataŭ śvietu. 16 hadoŭ biez paražeńniaŭ — i nivodnaha finału
Hałkipier Parahvaja pradaŭ svaju formu z-za chvaroby syna, a ciapier vybiŭ Hiermaniju i svajho kumira z čempijanatu śvietu
Pieršaja miehasiensacyja na čempijanacie: Hiermanija vylecieła ŭžo ŭ 1/16 ad ścipłaha Parahvaja
Zbornaja Brazilii zdabyła valavuju pieramohu nad Japonijaj i vyjšła ŭ 1/8 finału mundyjalu
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy31
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
on lubit zabivať sochraniaja zritielnyj kontakt.