Biełaruska ź mižnarodnaj abaronaj u Polščy zhubiła dakumienty na Malcie i ŭžo piać dzion nie moža viarnucca
Dziaŭčyna žyvie ŭ Varšavie i maje polski DNŽ na padstavie mižnarodnaj abarony.
Pakinuła sumku ŭ taksi
Biełarusy, jakija žyvuć u Polščy, chutčej za ŭsio, bačyli virusnyja roliki Kaciaryny ŭ instahramie abo tyktoku na temu žyćcia mihrantaŭ u Polščy.
Razam ź siabrami błohierka pajechała adpačyvać na Maltu, dzie zhubiła sumačku z dakumientami i hrašyma.
U videa Kaciaryna raspaviadaje, što prajšło ŭžo bolš za piać dzion, jak jana zachrasła na Malcie.
«Nikoli nie dumała, što heta sa mnoju zdarycca», — kaža jana.
Pierad adlotam nazad Kaciaryna pakinuła sumku ŭ taksi.
«A kali my zrazumieli, što sumki niama — było ŭžo pozna. Chutčej za ŭsio, jaje skrali pasažyry, jakija sieli (u taksi) paśla nas», — kaža błohierka i dadaje, što ŭ sumcy byŭ jejny biełaruski pašpart, polski DNŽ na padstavie mižnarodnaj abarony, hrošy i asabistyja rečy.
Viarnucca składaniej, čym dumała
Kaciaryna była ŭpeŭniena, što joj budzie dastatkova źviarnucca ŭ palicyju, zatym u konsulstva (polskaje) i praz 1‑2 dni jana budzie doma.
«Ale nasamreč usio akazałasia tak, što viarnucca ŭ Polšču biez dakumientaŭ navat składaniej, čym ja mahła ŭjavić. Ja jašče na Malcie i šukaju varyjanty, jak viarnucca dadomu», — kaža jana ŭ videa.
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club4
Kamientary
siejčas randomnyj kantrol na posadkach viezdie. Čto samoloty, čto paromy. Moj ličnyj opyt za poślednije 5 let - provierka viezdie, putiešiestvuju často.