29 červienia telekanał «Biełsat» paviedamiŭ sa spasyłkaj na svaje krynicy, što ŭ noč z 21 na 22 červienia niedaloka ad Stoŭbcaŭ adbyvaŭsia zakryty muzyčny rejv, na jaki sabralisia muzykanty, mastaki, dyzajniery i inšyja pradstaŭniki tvorčych prafiesij. Ale sustreču pierapyniŭ vizit siłavikoŭ.
Paviedamlałasia, što sustreča mieła vyklučna zabaŭlalny i kulturny charaktar i nie była źviazanaja z palitykaj. Adnak padčas mierapryjemstva na miesca pryjechali supracoŭniki siłavych struktur razam sa słužbovymi sabakami. Pavodle śviedčańniaŭ krynic, jany pačali zatrymlivać ludziej, jakija znachodzilisia na terytoryi fiestyvalu, i patrabavali spynić muzyku i vystupleńni.
Siarod zatrymanych byli muzyki, vykanaŭcy aŭtarskich piesień, a taksama niekalki niepaŭnaletnich. Usich ich dastavili na dopyt, paśla čaho na ich skłali pratakoły ab administracyjnych pravaparušeńniach. Pavodle infarmacyi krynic «Biełsata», sudy pryznačyli niekalkim zatrymanym administracyjny aryšt terminam ad 10 da 15 sutak.
Ciapier siłavyja struktury apublikavali videa z dvuma zatrymanymi mužčynami, jakich nazvali arhanizatarami mierapryjemstva. Ich prymusili pakajacca ŭ tym, što, maŭlaŭ, arhanizavali sustreču biez ŭzhadnieńnia ź miascovymi ŭładami.
Jak śćviardžajuć siłaviki, u noč z 21 na 22 červienia ŭ milicyju pastupili paviedamleńni pra hučnuju muzyku i vialikuju kolkaść ludziej u Nalibackim zakaźniku na terytoryi Staŭbcoŭskaha rajona. Na miescy supracoŭniki milicyi pabačyli namiotavy łahier, scenu i kala 200 udzielnikaŭ rejvu.
U MUS śćviardžajuć, što spynili praviadzieńnie tak zvanaha «amfietaminavaha rejvu», ustanavili arhanizataraŭ i ŭsich udzielnikaŭ. Pa ich viersii, niekatoryja ludzi nibyta znachodzilisia ŭ stanie narkatyčnaha apjanieńnia, a ŭ namiotach znajšli sintetyčnyja narkotyki. Nijakich dokazaŭ hetamu, akramia ŭłasnych słoŭ, adnak, jany nie padali.
«Maja pazicyja adnosna siłavikoŭ paśla pieramohi prostaja». Eks-palitviazień pra škłoŭskuju kałoniju, padpolle i «karelickuju spravu»
Pad Uzdoj milicyja razahnała vystavu dryft-aŭtamabilaŭ
Biełarusa, jaki doŭhi čas žyŭ u Rasii i handlavaŭ zapčastkami, asudzili za «sadziejničańnie ekstremisckaj dziejnaści»
Kamientary
I narodu nie patrebnaja jana;
Kali chtości dzieści letniaju paroj
Bolš čym udvuch sabracca choča -
Haŭlajtar kinie nas z narodam u boj;
Taki los my sami vybrali z taboj -
Šakalić dni i nočy...