Mierc: U Pucina niama padstaŭ dla spynieńnia vajny ci zaklučeńnia mirnaj damovy z Ukrainaj
Pavodle jaho słoŭ, Pucin budzie hatovy da pieramovaŭ tolki tady, kali heta budzie adpaviadać jaho ŭłasnym intaresam.
Frydrych Mierc zajaviŭ, što zaraz va Uładzimira Pucina niama padstaŭ dla spynieńnia vajny ci zaklučeńnia mirnaj damovy z Ukrainaj. Pra heta kancler Hiermanii zajaviŭ u intervju niamieckamu kanału Sat1, piša «Ukrainskaja praŭda».
U razmovie z žurnalistami Mierc zajaviŭ, što nie maje nijakich padstaŭ daviarać rasijskamu dyktataru. Pavodle jaho słoŭ, Pucin budzie hatovy da pieramovaŭ tolki tady, kali heta budzie adpaviadać jaho ŭłasnym intaresam.
«Jon budzie hatovy da pieramovaŭ tolki tady, kali heta budzie vyhadna jamu samomu. Ciapier, na jaho (Pucina) dumku, praciah vajny jamu vyhadny. Jon zavajoŭvaje terytoryi. Jon bačyć dyskusiju, jakuju my viadziom tut, u Jeŭropie, i jakuju viadziom u Amierycy. Jon bačyć, jak ź im abychodzicca amierykanski prezident. Jon bačyć, jak ź im abychodziacca inšyja kiraŭniki dziaržaŭ i ŭradaŭ śvietu, ja nazavu tolki klučavoje słova — «Šanchajskaja kanfierencyja»», — skazaŭ kancler.
Mierc padkreśliŭ, što dla źmieny pazicyi Kramla nieabchodna stvaryć umovy, jakija prymusiać Rasiju šukać vychad z vajny. Na jaho dumku, zrabić heta možna pierš za ŭsio ekanamičnym šlacham — praź źniasileńnie rasijskaj vajennaj ekanomiki.
«Na dadzieny momant u jaho (Pucina) niama nijakich padstaŭ dla spynieńnia ahniu abo zaklučeńnia mirnaj damovy. My pavinny stvaryć hetyja padstavy. Z vajennaha punktu hledžańnia heta budzie składana, ale z ekanamičnaha — heta mahčyma. Treba pakłapacicca pra toje, kab Rasija nie mieła mahčymaści padtrymlivać vajennuju ekanomiku», — zaznačyŭ Frydrych Mierc.
Ciapier čytajuć
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA11
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary
Heta i tak zrazumieła, ale ž pytańnie ŭźnikaje inšaje, a samomu Miercu vyhadna spynieńnie vajny? Niešta apošni čas jon zanadta staŭ na słovach padtrymlivać vajnu.