Krainy APIEK+ płanujuć jašče raz pavialičyć zdabyču nafty, paviedamili Reuters dva čałavieki, źviazanyja z chodam abmierkavańnia. Paśla hetaj naviny košt Brent na biržy ŭ sieradu ŭpała bolš čym na 2%. Ekśpierty dapuskajuć, što da kanca hoda na suśvietnym rynku budzie naziracca jaje vialiki lišak.
Kartel i jaho partniory abmiarkoŭvajuć mahčymaść dalejšaha rostu zdabyčy ŭ kastryčniku. Siesiju dla pryniaćcia rašeńnia pryznačyli na niadzielu. Raniej jany ŭžo pavialičyli kvoty na 2,2 miljona barelaŭ u dzień u pieryjad z krasavika pa vierasień. Heta dazvolić viarnuć na rynak naftu, jakuju APIEK+ raniej zabraŭ dla padtrymki cenaŭ.
Akramia taho, zdabyča raście ŭ krainach, što nie ŭvachodziać u kartel. Mižnarodnaje enierhietyčnaje ahienctva prahnazuje vialiki lišak nafty ŭ 2025 hodzie — kala 2 miljonaŭ barelaŭ u dzień, i jon budzie pavialičvacca bližej da kanca hoda. Pa prahnozach, u hetym hodzie prapanova vyraście na 2,5 miljona barelaŭ u dzień, a popyt — tolki na 0,68 miljona.
Košt nafty, jaki ŭ aŭtorak dasiahnuŭ maksimumu za apošni miesiac, paśla naviny pra płany APIEK+ źniziŭsia na 2,1% da $67,72 za barel, ale potym častkova adnaviŭsia da $68,2. Z pačatku hoda Brent padaražeŭ prykładna na 9%.
Realna na rynak moža pastupić mienš nafty, čym płanujecca, bo niekatoryja krainy skaračajuć zdabyču, kab kampiensavać raniejšuju pieravytvorčaść, a inšyja abmiežavanyja technična. Adnak u žniŭni krainy APIEK pavialičyli zdabyču prykładna na zapłanavanyja 400 000 barelaŭ u dzień, pry hetym bolš za pałovu rostu zabiaśpiečyła Saudaŭskaja Aravija.
APIEK+ rezka pavialičvaje zdabyču nafty. Heta ŭdaryć pa rasijskim biudžecie
«Ruskija i amierykancy plaskajuć u ładki». Maskva, Bierlin i Vašynhton abmiarkoŭvajuć adnaŭleńnie pastavak syraviny ŭ Hiermaniju na NPZ «Rasnafty»
Rasija nie moža z-za sankcyj pradać miljony barelaŭ nafty i rychtujecca skaračać zdabyču
Tramp havoryć pra źnižeńnie cenaŭ na naftu, ale chto budzie źnižać?
Ciapier čytajuć
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia8080
Kamientary