Śviet55

APIEK+ rezka pavialičvaje zdabyču nafty. Heta ŭdaryć pa rasijskim biudžecie

Na subotnim anłajn-pasiadžeńni APIEK+, u skład jakoj uvachodzić 23 krainy — eksparciory nafty, było pryniata rašeńnie značna pavialičyć zdabyču. Z červienia vosiem krain, uklučajučy Saudaŭskuju Araviju, Rasiju, AAE, Kuviejt i Irak, dadaduć na rynak 411 tysiač barelaŭ nafty štodnia — heta ŭtraja bolš, čym płanavałasia pieršapačatkova. Takim čynam, za maj i červień sukupnaja zdabyča vyraście na 822 tysiačy barelaŭ u dzień — maksimum z 2020 hoda, piša The Moscow Times.

Naśledny prync Saudaŭskaj Aravii, faktyčny kiraŭnik hetaj dziaržavy Muchamied ibn Sałman Al Saud. Fota: Chesnot/Getty Images

Saudaŭskaja Aravija, jak nieaficyjny lidar kartela, nastajała na hetym kroku, kab pakarać krainy, jakija sistematyčna parušali kvoty, u pryvatnaści Kazachstan i Irak. Er-Ryjad zajaviŭ, što bolš nie źbirajecca štučna padtrymlivać ceny šlacham abmiežavańnia zdabyčy.

Pavodle płanaŭ, da listapada APIEK+ naraścić zdabyču na 2,2 młn barelaŭ u dzień. Adnak, jak adznačajuć analityki, popyt na naftu raście słaba, asabliva paśla niadaŭniaha ŭviadzieńnia mytaŭ z boku ZŠA. Heta moža pryvieści da pieravytvorčaści ŭ pamiery 1,5 młn barelaŭ štodnia da kanca hoda i vyklikać novuju «cenavuju vajnu».

Heta ŭdar dla rasijskaha biudžetu, jaki płanavaŭsia z ulikam cany nafty $70 za barel. Adnak u sakaviku cana rasijskaj marki Urals upała da $58, a ŭ krasaviku — da $54. U vyniku dachody ad nafty i hazu źnizilisia amal na 20%.

Na fonie hetaha ceny na naftu Brent z pačatku hoda ŭpali na 24%, a 5 maja abnavili minimum za 4 hady — $58,5 za barel. Rašeńnie APIEK+ tolki pavialičyła niavyznačanaść na rynku. Pavodle Reuters, Saudaŭskaja Aravija pryniała hetaje rašeńnie napiaredadni vizytu Trampa, padčas jakoha ZŠA mohuć prapanavać Er-Ryjadu vajskovaje supracoŭnictva i kantrakty na zbroju na $100 miljardaŭ.

Kamientary5

  • biudžet pucinskaj (Maskoŭskaj impieryi) moža vykonvacca tolki pry canie nafty $42,4 i vyšej.
    06.05.2025
    Pry koštach na "čornaje zołata" 15–23 dalara za barel, ekanomika Balšavickaj impieryi abvaliłasia, i sama Balšavickaja impieryja abvaliłasia ŭ 1991, a biudžet pucinskaj "załatoj" ardy (Maskoŭskaj impieryi) moža vykonvacca tolki pry canie nafty $42,4 i vyšej. Heta i jość Trampa (na samoj spravie stary Rejhana ) plan ))
  • Usie darohi viaduć da adnaho — da dekałanizacyi Maskoŭskaj impieryi
    06.05.2025
    Bin Sałman,

    "Nafta suprać impieryi"
    "Prezidentu TRAMPU varta było b zazirnuć u historyju i pahladzieć,
    jak Ronald Rejhan pieramoh balšavickuju impieryju.
    Biez anivodnaha strełu — tolki z adnoj supierzbrojaj: naftaju".

    — Majkł Rejhan

    Siońnia biez padtrymki z boku Maskvy iranski režym akazaŭsia b abiazzbrojeny. A razam ź im — «Chiezbała», chusity, Chamas. Usie jany trymajucca na maskoŭskaj ihołcy. Usie darohi viaduć da adnaho — da dekałanizacyi Maskoŭskaj impieryi . I heta — pytańnie TOLKI času...
  • Janka
    06.05.2025
    Usie darohi viaduć da adnaho — da dekałanizacyi Maskoŭskaj impieryi, rola prezidenta Rejhana była vielmi važnaj, ale naŭradźci mahčyma skazać, nakolki jana była vyrašalnaj. Bo krachu SSSR papiaredničała sukupnaść faktaraŭ: tryvałaje padzieńnie koštaŭ na naftu ŭ vyniku źnižeńnia naftajomistaści ekanomik zachadu, syravinavy charaktar adstałaj ekanomicy SSSR, jaje nadzvyčajnaja militaryzavanaść, vajna ŭ Afhanistanie i padtrymka ledź nie ŭsich levych i kvazilevych dyktatur u suśviecie. Treba zaŭvažyć, što pieramoha ŭ chałodnaj vajnie taksama mieła niehatyŭnyja nastupstvy dla ZŠA, bo pad čas kiravańnia Rejhana dziarždoŭh ZŠA ŭźlacieŭ. Pakul ZŠA kiravali adekvatnyja palityki - rost dziarždoŭha ZŠA nie stvaraŭ istotnych prablem. Ale z abrańniem Trampa-2 pry adsutnaści "darosłych" u jaho administracyi ryzyki rezkaha padaražeńnia abłuhoŭvańnia dziarždoŭha ZŠA mocna pavialičylisia.

Ciapier čytajuć

Kiełah płanuje pajezdku ŭ Biełaruś i sustreču z Łukašenkam. Pry hetym moža być vyzvalenaja hrupa palitviaźniaŭ12

Kiełah płanuje pajezdku ŭ Biełaruś i sustreču z Łukašenkam. Pry hetym moža być vyzvalenaja hrupa palitviaźniaŭ

Usie naviny →
Usie naviny

«Štohod hublajem 15 abjektaŭ». Biełaruskija dačniki zmahajucca z vyškami sotavaj suviazi1

Administracyja Trampa zakryła sakretnuju pracoŭnuju hrupu, zaklikanuju schilić Rasiju da mirnaha pahadnieńnia3

U Homieli zakryli zabiahałaŭku pradprymalnika-łukašysta i źniščyli jaho płakat sa Stalinym18

Iran zajaviŭ pra ŭdar pa štab-kvatery «Masada»

«Stracili ŭsio, akramia žyćcia». 85 hadoŭ tamu ŭnuka prezidenta Hrodna vyvieźli z horada ŭ čamadanie — zaraz jon pa krupinkach uznaŭlaje historyju siamji2

Šmatdzietnaha baćku-viernika pryznali jašče i terarystam1

Kampanija Trampa budzie vypuskać imiannyja mabilniki ź cikavym taryfnym płanam2

Chto taki Viarchoŭny lidar Irana ajatała Ali Chamieniei i nakolki ŭpłyvovaja jaho siamja2

Biełaruski eks-ministr pryros aktyvam u Polščy, ale nie zabyvaje pra Rasiju3

bolš čytanych navin
bolš łajkanych navin

Kiełah płanuje pajezdku ŭ Biełaruś i sustreču z Łukašenkam. Pry hetym moža być vyzvalenaja hrupa palitviaźniaŭ12

Kiełah płanuje pajezdku ŭ Biełaruś i sustreču z Łukašenkam. Pry hetym moža być vyzvalenaja hrupa palitviaźniaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić