U Minsku chatnija haspadarki traciać na pradukty ŭ siarednim pa 733 rubli na miesiac
U stalicy štomiesiačnyja vydatki adnoj chatniaj haspadarki na charčovyja pradukty ŭ krasaviku — červieni 2025 hoda skłali ŭ siarednim 733,2 rubla, paviedamili Minsk-Navinam u Hałoŭnym statystyčnym upraŭleńni horada.
Vybarčaje abśledavańnie damašnich haspadarak horada pa ŭzroŭni žyćcia pakazała, što ŭ druhim kvartale hetaha hoda čverć takich vydatkaŭ (25,7 %) prypała na miasa i miasnuju pradukcyju.
U top-3 artykułaŭ praduktovych vydatkaŭ taksama ŭvajšli małočnyja pradukty (18,4 %) i chleb z chlebabułačnymi vyrabami (11,6 %).
Na aharodninu i bachčavyja ŭ stalicy tracili krychu bolš, čym na sadavinu i jahady — 10,1 % suprać 9,5 % adpaviedna. U vypadku z rybaj i rybnaj pradukcyjaj pakazčyk skłaŭ 5,3 %, dla cukru i kandytarskich vyrabaŭ — 4,4 %, jajek — 2 %.
U lik praduktaŭ, vydatki na jakija byli adnymi z samych nievialikich, uvajšli bulba (1,8 %), a taksama raślinny alej, marharyn i inšyja tłuščy (1,4 %).
Charčovyja vydatki minskich damašnich haspadarak na 14,4 % pieravysili siarednierespublikanski pakazčyk.
Kamientary