U Žytkavickim rajonie haspadar nie daličyŭsia 14 husiej, ich zastreliŭ prychadzień z susiedniaj vobłaści
U lipieni žychar adnoj ź viosak Žytkavickaha rajona nie daličyŭsia 14 husiej. Na ptušku, jakaja paśviłasia na mielijaracyjnym kanale niedaloka ad doma paciarpiełaha, chtości ŭčyniŭ palavańnie, paviedamlaje Dziaržkamitet sudovych ekśpiertyz.
Supracoŭniki milicyi ŭstanavili, što ptušak ź pnieŭmatyčnaj vintoŭki zastreliŭ žychar Stolinskaha rajona. Zbroju kanfiskavali i nakiravali ŭ ŭpraŭleńnie Dziaržkamiteta sudovych ekśpiertyz pa Homielskaj vobłaści dla praviadzieńnia sudovaj balistyčnaj ekśpiertyzy.
Ekśpierty ŭstanavili, što kanfiskavanaja pnieŭmatyčnaja hazabałonnaja vintoŭka vyrablena zavodskim sposabam. Adnak jana akazałasia prydatnaj dla stralby nieśfieryčnymi kulami, a siaredniaje značeńnie jaje rulnaj enierhii pieravysiła 20 Dž, što značna vyšej za paroh u 7,5 Dž, ustanoŭleny dla pnieŭmatyčnaj zbroi, dazvolenaj da volnaha abarotu biez rehistracyi.
Pa dadzienym fakcie Žytkavickim RAUS pravodzicca pravierka.
Sudovyja ekśpierty nahadvajuć, što lubaja pnieŭmatyčnaja zbroja źjaŭlajecca krynicaj padvyšanaj niebiaśpieki. Stralać ź jaje možna tolki ŭ vyznačanych miescach z vykanańniem usich nieabchodnych mier biaśpieki. Navat «lohkaja» pnieŭmatyka z dulnaj enierhijaj da 3 Dž moža pryčynić surjoznyja cialesnyja paškodžańni i kalectvy čałavieku, svojskim žyviołam, paškodzić majomaść.
Ciapier čytajuć
Andrej Pavuk uładkavaŭsia kiroŭcam tralejbusa ŭ Vilni i raskazaŭ, jak jano18
Kamientary