Vyznačyli asobu čałavieka, jaki pahražaŭ zabojstvam Cichanoŭskaj i Łatušku
Ale ŭ intaresach śledstva imia nie nazyvajecca.
Kiraŭnik NAU Pavieł Łatuška daŭ pakazańni ŭ jakaści śviedki ŭ rajonnaj kamiendatury palicyi Varšavy ŭ suviazi z publičnaj infarmacyjaj pra pahrozy zabojstvam na adras jaho i Śviatłany Cichanoŭskaj z boku peŭnaj asoby, paviedamlajecca ŭ telehram-kanale Łatuški.
Sabranyja materyjały i dokazy byli nakiravanyja kamiendaturaj palicyi ŭ adras akružnoha prakurora Varšavy z metaj pryniaćcia rašeńnia ab dalejšych pracesualnych dziejańniach.
Asabistyja danyja asoby, jakaja pahražała Śviatłanie Cichanoŭskaj i Paŭłu Łatuški, byli identyfikavanyja dziakujučy «Biełpołu».
Imia hetaha čałavieka nie paviedamlajecca, ale viadoma, što pahrozy zychodziać ad asoby, što pražyvaje na terytoryi Polščy.
«Suprać demakratyčnych instytutaŭ i hramadzianskaj supolnaści Biełarusi, aktyvistaŭ demakratyčnych siłaŭ, režym Łukašenki ažyćciaŭlaje adkrytuju, maštabnuju, sistemnuju, supraćzakonnuju dziejnaść, u tym liku eksterytaryjalnaha charaktaru. My možam aceńvać heta jak abvieščanuju vajnu z boku režymu Łukašenki z metaj likvidacyi demakratyčnaj alternatyvy. (…) My adznačajem, što za apošnija miesiacy kolkaść pahroz, pravakacyj i inšych supraćpraŭnych dziejańniaŭ značna pavialičyłasia. Usie hetyja pahrozy nakiravanyja suprać dziejnaści demakratyčnych instytutaŭ, jakija źjaŭlajucca alternatyvaj režymu Łukašenki», — dadaŭ Pavieł Łatuška.
-
«Kapiejki zapłacić nie mohuć». Łukašenka aburyŭsia parterminavanymi zapazyčanaściami za arendnaje žyllo
-
«Ździek z žyvych istotaŭ». Biełarusy aburanyja ŭmovami dla katoŭ na vystavie «Murfest» u stalicy
-
U dačynieńni da biełarusaŭ u ZŠA byli vyniesienyja 52 pastanovy ab departacyi za niajaŭku ŭ imihracyjny sud
Ciapier čytajuć
U Minsku masažyst Andrej tajemna zdymaŭ hołych klijentak27
Kamientary