U Litvie dapuskajuć mahčymaść zakryć miažu ź Biełaruśsiu na bolš praciahły termin
Siońnia ŭ Vilni adbudziecca pasiadžeńnie Kamisii pa nacyjanalnaj biaśpiecy, na jakim budzie razhledžana, jakija miery treba pryniać u reahavańni na pahrozu, jakuju stvarajuć kantrabandnyja šary ź Biełarusi.
U Litvie dapuskajuć mahčymaść zakryć miažu ź Biełaruśsiu na bolš praciahły termin. Pra heta zajaviŭ daradca prezidenta Hitanasa Naŭsiedy Dejvidas Matulonis, paviedamlaje LRT.
«U hetym vypadku, liču, što našy słužby pavinny prymać značna bolš žorstkija miery ŭ razmovach z uładami Biełarusi, kab naležnym čynam rastłumačyć — što kali heta paŭtorycca, mahčyma, my začynim miažu ŭvohule na praciahły pieryjad», — skazaŭ jon.
Pa słovach daradcy Naŭsiedy, u sieradu adbudziecca pasiadžeńnie Kamisii pa nacyjanalnaj biaśpiecy, na jakim budzie razhledžana, jakija miery treba pryniać u reahavańni na pahrozu, jakuju stvarajuć kantrabandnyja šary.
Pavodle D. Matulonisa, padziei minułaj nočy taksama pakazali, što vielmi važna mieć tak zvanuju sistemu vyjaŭleńnia na miažy — kab zondy byli bačnyja zahadzia. Tym nie mienš, pa jaho słovach, pytańnie źbićcia davoli składanaje, čym, naprykład, u vypadku dronaŭ, tamu patrebnyja i inšyja miery.
«Pytańnie źbićcia davoli tonkaje. Liču, što isnujuć peŭnyja inšyja miery, jakija pavinny pryniać našy pravaachoŭnyja orhany i ŭ častcy ŭmacavańnia kryminalnaj adkaznaści, i ŭ častcy chutčejšaha zboru takich šaroŭ paśla ich padzieńnia, što źnizić pryvabnaść adpraŭlać zondy ŭ Litvu», — zajaviŭ daradca.
Siońnia ŭnačy z-za mieteazondaŭ byŭ na vociem hadzin zakryty aeraport Vilni, a rejsy pieranakiravanyja ŭ inšyja. Pamiežnaja słužba Litvy ŭ adkaz zakryła punkty propusku «Miedniki» i «Salečniki».
Kiraŭnik Nacyjanalnaha centra kiravańnia kryzisami Viłmantas Vitkaŭskas u efiry LRT Radijas zajaviŭ, što heta adna z samych intensiŭnych akcyj pa dastaŭcy kantrabandnych cyharet z dapamohaj pavietranych šaroŭ u Litvu sioleta.
«Padavałasia, što intensiŭnaść spyniłasia — i voś hetaj nočču my atrymali, badaj, samuju intensiŭnuju invaziju kantrabandnych cyharet z dapamohaj pavietranych šarykaŭ u našuju krainu sioleta. Heta intensiŭnaść vymiarajecca dvuma paramietrami: časavaj vośsiu, na praciahu jakoj zapuskalisia šaryki ŭ našuju krainu, i kolkaściu. Tamu byli pryniaty rašeńni pavietranaj navihacyi prypynić paloty, kab harantavać biaśpieku hramadzianskaj avijacyi», — kaža V. Vitkaŭskas.
Pavodle kiraŭnika NCKK, šaryki z kantrabandaj, što prylacieli ź Biełarusi, byli znojdzieny ŭžo ŭ piaci rehijonach: u Łaździejskim rajonie, u Druskienikach, u rajonach Aran, Salečnikaŭ, u Vilni.
«Apošniaja chvala była zafiksavanaja niepadalok ad aeraporta. Hieahrafija vielmi šyrokaja, heta śviedčyć pra toje, što intensiŭnaść zapusku šarykaŭ była vielmi vysokaja. Chutčej za ŭsio, zapusk adbyvaŭsia nie z adnaho punkta, a była kaardynavanaja apieracyja», — kaža V. Vitkauskas.
Pradstaŭnik Nacyjanalnaha centra kiravańnia kryzisami (NCKK) Darus Buta paviedamiŭ što adzin čałaviek byŭ zatrymany, znojdziena vosiem šaroŭ. «Paciarpieli kala 30 rejsaŭ. Ź ich 14 rejsaŭ, što lacieli ŭ Vilniu, byli nakiravanyja ŭ inšyja aeraporty. Najbolšaja kolkaść samalotaŭ pryziamliłasia ŭ aeraporcie Koŭna — 10 rejsaŭ byli skiravanyja tudy. U aeraport Ryhi byli nakiravanyja 2 rejsy, pa 1 — u Pałanhu i Varšavu. Taksama 10 rejsaŭ byli skasavanyja, a adzin samalot viarnuŭsia ŭ aeraport vyletu», — adznačyŭ jon.
Jość 5 rejsaŭ, jakija zatrymalisia z vyletam z aeraporta Vilni.
«Na dadzieny momant častka pasažyraŭ rychtujecca da pasadki na rejsy, čas jakich nastupiŭ paźniej. U druhoj pałovie dnia mohuć naziracca asobnyja zatrymki rejsaŭ z-za parušeńnia hrafiku ekipažaŭ i samalotaŭ. My prosim pasažyraŭ sačyć za infarmacyjaj na sajcie aeraporta Vilni i zaklikajem pasažyraŭ, čyje rejsy byli parušanyja abo skasavanyja, źviazvacca z avijakampanijami dla atrymańnia bolš padrabiaznaj infarmacyi pra rejsy», — kaža V. Roče.
Pavodle jaje, situacyja ŭ aeraporcie zvyčajnaja, mahčyma, tolki ludziej krychu bolš. «Ale ŭžo pačałasia pasadka na rejsy, što zatrymalisia. Zaraz jakraz čakajem pieršy rejs paśla adkryćcia aeraporta. Adzin rejs pieraniesieny na paźniejšy čas vyletu», — kaža pradstaŭnica.
Z-za kantrabandnych šarykaŭ taksama časova byli začynieny abodva pamiežnyja punkty ź Biełaruśsiu. V. Vitkaŭskas padkreślivaje, što rašeńnie pryniata pavodle pastanovy Ministerstva ŭnutranych spraŭ.
«Kali adbyvajecca apieracyja pošuku i jašče nieviadomy maštab incydentu, było pryniata rašeńnie ź mierkavańniaŭ biaśpieki taksama začynić pamiežnyja punkty propusku, kab zabiaśpiečyć pośpiech apieracyi pa zatrymańni kantrabandystaŭ, jakija arhanizavali hetuju ataku», — skazaŭ jon.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary
Vuń litoŭski dziajač Tamilinas niadaŭna raskryŭ sakret, što heta nie Litva kormić ofis Cichanoŭskaj, a ofis Cichanoŭskaj prynosić hrošy Litvie.