Kiroŭca chutkaj ź Dziaržynska paskardziŭsia na nizki zarobak. U «Minabłsantransie» paraili bolš pracavać nočču
U sacyjalnych sietkach raspaŭsiudziłasia videa ad kiroŭcy chutkaj dapamohi ź Dziaržynskaha rajona.
Kiroŭca pakazaŭ svoj raźlikovy listok za vierasień, piša dzr.by.
— Zarobak pavysili, a premiju ŭrezali. U vyniku ŭ kišeni ŭ ludziej hrošaj stała mienš, a nie bolš, — skardzicca jon.
Suma 1097 rubloŭ 17 kapiejek, na dumku kiroŭcy, nie dazvalaje narmalna ŭtrymlivać siamju i samoha siabie. Zarobku chapaje tolki na toje, kab addavać kredyty, bieź jakich, pavodle jaho słoŭ, «navat rovar nielha kupić».
Žurnalisty źviarnulisia da dyrektara «Minabłsantransa» Vitala Hołada, kab jon rastłumačyŭ situacyju.
«Pa buchhałteryi ŭsio raźličana pravilna, u adpaviednaści z zakanadaŭstvam i kantraktam, jaki kiroŭca padpisvaŭ, — adkazaŭ Hoład. — U jaho za vierasień adpracavana 176,8 hadziny. Heta 14 źmien i 8 hadzin pierachodnaj źmieny. Heta minimalnaja kolkaść pracoŭnaha času. Kiroŭcy chutkaj pracujuć dva praz dva. Zaŭsiody jość mahčymaść padpracavać, kali jość žadańnie. Dadatkovaja praca jość pastajanna».
Dyrektar dadaŭ, što pahadzinnaja praca hetaha kiroŭcy apłačvajecca nižej, bo jon nie zdaŭ na kłasnaść — kiroŭcam 1 i 2 kłasa płaciać bolej.
«Što datyčyć premii, dyk jana vyznačajecca kalektyŭnaj damovaj. U hetaha kiroŭcy 50 pracentaŭ.
Kali jon adpracoŭvaje bolš źmien, to premija budzie bolšaj. Kali bolš načnych źmien, to taksama zarobak bolšy.
Toje ž samaje i sa stažam — ad troch hadoŭ naličvajucca nadbaŭki. Kali mašyna starejšaja za piać hadoŭ, to kiroŭcy atrymlivajuć jašče plus 25 pracentaŭ da vynikovaj taryfnaj staŭki. Tamu ŭ inšych kiroŭcaŭ zarobak značna vyšejšy.
Kali b kiroŭca chacia b braŭ bolš źmien, to i zarobak byŭ by inšy. Jon padpisvaŭ kantrakt i bačyŭ, jaki zarobak budzie pry minimalnaj pracy. I znoŭ ža, treba ŭličvać charaktar pracy. Časam za źmienu ŭ kiroŭcy moža nie być nivodnaha vykliku, a časam treba pajeździć».
Vital Hoład taksama adznačyŭ, što pa vynikach płanujecca pavialičyć premii i zarobak kiroŭcam, taksama jany buduć zaachvočanyja materyjalnaj dapamohaj da śviataŭ.
-
Dźvie trahiedyi ŭ adnoj siamji. Rodnaja babula i susiedzi pra źnikłuju ŭ Mjanmie Vieru Kraŭcovu i niaščaście, što zdaryłasia čatyry hady tamu
-
Za 12 hadoŭ kolkaść biełaruskich studentaŭ u Polščy vyrasła ŭ čatyry razy, u Rasii skaraciłasia ŭtraja
-
Rabočaha ź Mikaševičaŭ asudzili pa čatyroch palityčnych artykułach i nazvali «terarystam»
Ciapier čytajuć
Dźvie trahiedyi ŭ adnoj siamji. Rodnaja babula i susiedzi pra źnikłuju ŭ Mjanmie Vieru Kraŭcovu i niaščaście, što zdaryłasia čatyry hady tamu3
Kamientary