ZŠA źniali klučavoje abmiežavańnie na ŭdary dalnabojnymi rakietami pa Rasii — WSJ
Administracyja prezidenta ZŠA Donalda Trampa źniała klučavoje abmiežavańnie, jakoje raniej nie dazvalała Ukrainie vykarystoŭvać niekatoryja dalnabojnyja rakiety, pastaŭlenyja zachodnimi sajuźnikami, dla naniasieńnia ŭdaraŭ pa terytoryi Rasii. Pra heta paviedamiła hazieta The Wall Street Journal (WSJ) sa spasyłkaj na krynicy. Tramp nazvaŭ paviedamleńnie fejkavym.
Jak piša vydańnie, paŭnamoctvy pa ŭchvaleńni takich atak niadaŭna pieradali Jeŭrapiejskamu kamandavańniu ZŠA. Raniej, paśla prychodu Trampa da ŭłady, pracedura prymianieńnia dalnabojnych rakiet była ŭskładnienaja, i ZŠA nie ŭchvalali ich vykarystańnie. Papiaredni prezident Džo Bajden dazvalaŭ Ukrainie vykarystoŭvać takija rakiety, jak Storm Shadow i ATACMS, dla ŭdaraŭ pa rasijskaj terytoryi.
Paćviardžeńniem źmieny padychodu staŭ incydent, jaki adbyŭsia 21 kastryčnika, kali Uzbrojenyja siły Ukrainy vykarystali brytanskuju kryłatuju rakietu Storm Shadow dla ŭdaru pa chimičnym zavodzie ŭ Bransku.
Amierykanski bok, pavodle infarmacyi WSJ, čakajuć, što Ukraina pačnie pravodzić bolš napadaŭ z vykarystańniem Storm Shadow. ZŠA mohuć pry hetym abmiažoŭvać ich vykarystańnie, pakolki hetyja rakiety abapirajucca na amierykanskija danyja ab celach.
Donald Tramp nazvaŭ «fejkavaj navinoj» heta paviedamleńnie.
«ZŠA nie majuć nijakaha dačynieńnia da hetych rakiet, adkul by jany ni byli, i što Ukraina ź imi ni rabiła!» — zajaviŭ prezident ZŠA.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB33
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary
Šmat chto ŭ RB dahetul nie razumiejuć hienijalnuju prastatu daktryny Trampa–Rejhana. Tut nie stolki pra tanki jak pra ekanomiku . Stratehičnaja naftavaja vajna.
u 1991-m košt nafty abrynuŭsia da $15–23 za barel. Balšavickaja impieryja, zaležnaja ad vysokich naftavych dachodaŭ, nie vytrymała šoku. Siońnia Maskoŭskaja impieryja patrabuje $42.4+ tolki kab zbałansavać biudžet. Mienš — i miechanizmy spyniajucca. Heta i jość sutnaść pakojnaha płana Trampa — sučasnaje adhałośsie stratehii Rejhana ŭ studzionaj vajnie. Jak skazaŭ Majkł Rejhan: «Rejhan pieramoh balšavickuju impieryju biez adzinaha strełu — jaho supierzbrojaj była nafta».
i puškina -putina plan pa izalacyi i akupacyi Biełarusi pravaliŭsia! Całkam Padtrymlivaju vizit pradstaŭnikoŭ ZŠA ŭ Biełaruś, a taksama sustrečy Jurki Ambrazieviča z ambasadarami z metaj adarvać Biełaruś ad drapiežnaj impieryi !