U vioscy pad Mahilovam biadak biespaśpiachova sprabavaŭ skraści try aŭtamabili za noč
Zdareńnie adbyłosia ŭ vioscy Pałykavičy.
Złačynca za adnu noč napužaŭ adrazu troch aŭtaamataraŭ ździejśniŭšy niaŭdałyja sproby ŭhonu BMW 318 I, Žyhuloŭ i Opel Astra.
U pieršym vypadku niezapiorty BMW stajaŭ u haražy na terytoryi pryvatnaha doma. Skarystaŭšysia klučom u zamku zapalvańnia nieviadomy zavioŭ aŭtamabil i pačaŭ ruch pa haražy, ale byŭ zatrymany haspadarom i ŭciok, paviedamlaje Dziaržkamitet sudovych ekśpiertyz.
U druhim vypadku złačyncu taksama spadarožničała niaŭdača — uhnanyja «Žyhuli» zahłuchli na susiedniaj vulicy. Trecim na jaho šlachu akazaŭsia Opel Astra, jaki taksama stajaŭ niezapiorty na dvary. Adnak, jak paźniej vyśvietlili śledčyja, niaŭdały kiroŭca nie zmoh ŭklučyć zadniuju pieradaču i kinuŭ transpartny srodak na susiedniaj vulicy.
Milicyja vyśvietliła, što da złačynstvaŭ datyčny adzin i toj ža čałaviek — 32‑hadovy ŭradženiec Horackaha rajona, a ciapier žychar Starych Daroh, raniej užo sudzimy za ŭhon i kradziež. Na nastupny dzień jaho zatrymali.
Ekśpiertami ŭstanoŭlena, što ŭziatyja ź siadzieńniaŭ kiroŭcaŭ mikravałokny majuć ahulnuju prynaležnaść z vałoknami ŭ składzie spartyŭnych štanoŭ nazvanaha mužčyny. A ślady abutku, znojdzienyja ŭ haražy i ŭ dvary, dzie stajali aŭtamabili, supali z padešvaj jaho krasoŭkaŭ pa ahulnych prykmietach. Pa vynikach daśledavańnia DNK ekśpierty pryjšli da vysnovy, što z vysokaj vierahodnaściu bijałahičny materyjał na palčatcy moža pachodzić ad zatrymanaha.
Jon pryznaŭsia, što płanavaŭ jechać u Staryja Darohi ciahnikom, jaki treba było doŭha čakać. Kab chutčej dabracca da doma, rašyŭsia na ŭhon.
Sudam Mahiloŭskaha rajona z ulikam pakarańnia pa papiarednim prysudziŭ try hady i miesiac z adbyvańniem u vypraŭlenčaj kałonii va ŭmovach strohaha režymu.
Sprava Softkłuba: zatrymany patryjarch biełaruskaha IT Uładzimir Sirotka i niekalki top-mieniedžaraŭ. Jany padaryli nam ARIP17
Kamientary