U daždžavikach i pa kalena ŭ hrazi. Čynoŭnikaŭ u doždž pahnali na subotnik, sam Łukašenka nie pajšoŭ
Učora pa krainie pravodzili subotnik, niahledziačy na mocny doždž. Pracavać adpravili i čynoŭnikaŭ.
Raman Hałoŭčanka, staršynia Nacbanka i były premjer, u daždžaviku i humovych botach sadžaŭ drevy.
Vysadžvać aleju ŭ tak zvanym parku Narodnaha adzinstva adpraviłasia i staršynia Savieta Respubliki Natalla Kačanava.
Ministr zamiežnych spraŭ Maksim Ryžankoŭ razam z dypłamatami pad parasonami vysadžvaŭ lipy ŭ Minsku — na alei 80‑hodździa AAN.
Kiraŭnik Hrodzienščyny Juryj Karajeŭ razam z supracoŭnikami abłvykankama pajechaŭ u Skidzielskaje laśnictva. Tam jany dobraŭparadkavali terytoryju la pomnika voinam-internacyjanalistam, pastavili novuju łaŭku dla naviedvalnikaŭ i vysadzili maładyja drevy ŭ dendraparku.
Bolš pašancavała premjeru Alaksandru Turčynu, jaki pracavaŭ u pamiaškańni — na budoŭli chirurhičnaha korpusa №2 minskaj abłasnoj kliničnaj balnicy.
Ministr achovy zdaroŭja Alaksandr Chadžajeŭ taksama byŭ na budoŭli — novaha korpusa RNPC dziciačaj ankałohii, hiematałohii i imunałohii.
Alaksandr Łukašenka na hety raz na subotniku nie źjaviŭsia, choć zvyčajna taksama prysutničaje i pavučaje čynoŭnikaŭ, jak pravilna pracavać rukami.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam6
Kamientary