Biełahraprambank abviaściŭ pra pierapynki ŭ pracy na niekalki dzion
Biełahraprambank abjaviŭ pra časovyja abmiežavańni ŭ pracy da 3 listapada. Heta źviazana ź pierachodam na novaje prahramnaje zabieśpiačeńnie, piša pres-słužba banka.
Z 30 kastryčnika (00:00) pa 2 listapada (24:00) buduć abmiežavanyja apieracyi z bankaŭskimi kartkami, akramia pakupak u kramach i źniaćcia najaŭnych u bankamaty.
Dalej, 3 listapada z 01:00 da 05:00 taksama nie buduć pracavać bankaŭskija kartki, bankamaty i infakijoski, a z 00:00 da 12:00 abmiažujuć akazańnie bankaŭskich pasłuh u ofisach, mabilnym dadatku i internet-bankinhu.
Dadatkova dla fizičnych asob z 20 kastryčnika abmiežavali kurjerskuju i paštovuju dastaŭku kartak, z 24 kastryčnika — afarmleńnie kredytnych kartak, a z 27 kastryčnika (10:00) — pryjom zajaŭ na źmianieńnie limitaŭ avierdrafta i adkryćcio biahučych rachunkaŭ. Abmiežavańni buduć dziejničać da 3 listapada (12:00).
Dla jurydyčnych asob i indyvidualnych pradprymalnikaŭ z 27 kastryčnika pa 3 listapada budzie abmiežavany vypusk kartak i rehistracyja novaha terminalnaha abstalavańnia i internet-resursaŭ dla arhanizacyj handlu, a taksama źmieny pa ich.
Kamientary