Белаграпрамбанк абвясціў пра перапынкі ў працы на некалькі дзён
Белаграпрамбанк аб’явіў пра часовыя абмежаванні ў працы да 3 лістапада. Гэта звязана з пераходам на новае праграмнае забеспячэнне, піша прэс-служба банка.
З 30 кастрычніка (00:00) па 2 лістапада (24:00) будуць абмежаваныя аперацыі з банкаўскімі карткамі, акрамя пакупак у крамах і зняцця наяўных у банкаматы.
Далей, 3 лістапада з 01:00 да 05:00 таксама не будуць працаваць банкаўскія карткі, банкаматы і інфакіёскі, а з 00:00 да 12:00 абмяжуюць аказанне банкаўскіх паслуг у офісах, мабільным дадатку і інтэрнэт-банкінгу.
Дадаткова для фізічных асоб з 20 кастрычніка абмежавалі кур’ерскую і паштовую дастаўку картак, з 24 кастрычніка — афармленне крэдытных картак, а з 27 кастрычніка (10:00) — прыём заяў на змяненне лімітаў авердрафта і адкрыццё бягучых рахункаў. Абмежаванні будуць дзейнічаць да 3 лістапада (12:00).
Для юрыдычных асоб і індывідуальных прадпрымальнікаў з 27 кастрычніка па 3 лістапада будзе абмежаваны выпуск картак і рэгістрацыя новага тэрмінальнага абсталявання і інтэрнэт-рэсурсаў для арганізацый гандлю, а таксама змены па іх.
Першага намесніка гендырэктара «Белвеста» пасадзілі на тры з паловай гады за палітыку6
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары