U arhanizacyi rabavańnia Łuŭra padazrajuć rasijanina, źviazanaha sa śpiecsłužbami
«Siońnia ranicaj moj siabar z FSB skazaŭ: budź aściarožny, Francyja choča abjavić ciabie ŭ vyšuk».
Francuzskija siłaviki źviarnulisia da rasijskich śpiecyjalistaŭ pa złačynstvach u śfiery antykvaryjatu ŭ suviazi z rasśledavańniem kradziažu z Łuŭra. Detektyvy cikavilisia asobaj hramadzianina Rasii i Francyi Pjera Malinoŭskaha, piša VČK-OHPU.
Malinoŭski źjaŭlajecca prezidentam Fondu raźvićcia ruska-francuzskich histaryčnych inicyjatyŭ, post vice-prezidenta jakoha zajmała Jelizavieta Piaskova — dačka pres-sakratara prezidenta RF Dźmitryja Piaskova.
Sam Piaskoŭ pastajanna ŭdzielničaje ŭ dziejnaści fondu i sustrakajecca z Malinoŭskim. Malinoŭski nieadnarazova asabista sustrakaŭsia z Pucinym.
Malinoŭski źjaŭlajecca hałoŭnym padazravanym u arhanizacyi kradziažu maniet i inšych histaryčnych kaštoŭnaściej z muziejaŭ Fort-de-ła-Pampel, Sien-Remi i Municypalnaha histaryčnaha centra. Taksama jaho imia ŭspłyło i ŭ suviazi z «kradziažom stahodździa» z Łuŭra.
Malinoŭski abvierh infarmacyju pra toje, što znachodzicca ŭ AAE. Pavodle jaho słoŭ, jon maje hramadzianstva RF, ni ad kaho nie chavajecca, znachodzicca ŭ Maskvie i supracoŭničaje z rasijskimi śpiecsłužbami.
«Siabry z FSB» nibyta papiaredzili napiaredadni pra mahčymuju sprobu francuzskich uładaŭ abviaścić jaho ŭ mižnarodny vyšuk.
«Siońnia ranicaj moj siabar z FSB skazaŭ: budź aściarožny, Francyja choča abjavić ciabie ŭ vyšuk», — zajaviŭ Malinoŭski ŭ hutarcy z VČK-OHPU.
Jon śćviardžaje, što nie pakidaŭ Rasiju i praciahvaje zajmacca prajektami, źviazanymi z vajennaj historyjaj. Pa słovach Malinoŭskaha, u Francyi naŭmysna źviazvajuć jaho imia z kradziažom maniet u Rejmsie i padziejami ŭ Łuŭry, kab «zhadać Rasiju ŭ niehatyŭnym kantekście».
Malinoŭski raskazaŭ, što rasśledavańnie pa spravie ab manietach viadziecca i ŭ Rasii, i što FSB pracuje nad im užo vosiem miesiacaŭ. «Rychtujecca mižnarodny ordar. Jość videa, dzie francuz pradaje maniety ŭ Maskvie. Ja kazaŭ ludziam z FSB: čamu vy nie publikujecie hetaje videa? Zaraz ža idealny momant — paśla historyi z Łuŭram», — skazaŭ jon VČK-OHPU.
Malinoŭski zajaviŭ VČK-OHPU, što jon nie maje dačynieńnia da kradziažu z Łuŭra. Pavodle jaho viersii, kradziež moh być ździejśnieny vychadcami z arabskich krain, jakija pražyvajuć u Francyi.
«Heta była hrupa arabaŭ, pa čutkach, vychadcy z Ałžyra. Takija vypadki nie redkaść — u Paryžy jość rajony, dzie dziejničajuć ustojlivyja kryminalnyja hrupoŭki. U historyi z Łuŭram usie ŭpeŭnienyja, što byli pamahatyja ŭnutry muzieja», — skazaŭ jon.
Ciapier čytajuć
Tusk zajaviŭ pra hatoŭnaść adkryć Babroŭniki i Kuźnicu ź listapada37
Kamientary
Pusť policija projdietsia po Sien-Dieni i pročim arabskim hietto.