Pieravozčyki raspaviali, jak abstajać spravy z kvitkami i pajezdkami paśla zakryćcia litoŭskaj miažy.
Tak, pradstaŭniki servisu «Atłas bas» paviedamili Office Life, što na siońnia viadoma pra prypynieńnie maršrutaŭ «Hrodna — Lida — Voranava — Vilnia» ad kampanii «Transahienctva Favaryt» minimum da aŭtorka, 28 kastryčnika. Rejsy «Minsk — Vilnia» i «Minsk — Koŭna» ad pieravozčykaŭ «Vadžen trans» i UAB Gromora taksama admienieny. Pasažyry, jakija nabyli bilety praz servis «Atłas», mohuć pieranieści svaje pajezdki na bolš poźni termin abo viarnuć bilety z poŭnym kampiensavańniem koštu.
Niekatoryja rejsy, takija jak «Hrodna — Vilnia» (adpraŭleńnie ŭ 02:50), «Vilnia — Lida» (05:00) i «Vilnia — Hrodna» (10:00), viarnulisia nazad u harady adpraŭleńnia, i ŭsim pasažyram byŭ viernuty poŭny košt biletaŭ.
Pieravozčyk Ecolines paviedamiŭ, što ich rejsy praciahvajuć adpraŭlacca zhodna z raskładam. U vypadku źmien klijenty atrymajuć SMS-apaviaščeńnie.
Kampanija Intercars čakaje aficyjnaha pastanoŭleńnia. Kali data rejsu supadaje z zakryćciom miežaŭ, pasažyram paviedamiać zahadzia.
«Minsktrans» taksama paćvierdziŭ, što z-za zakryćcia pahraničnaha pierachodu «Miedniki» aŭtobus Vilnia — Minsk, jaki pavinien byŭ vyjechać ź litoŭskaj stalicy ŭ 11:35, spaźniajecca «na niavyznačany čas».
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek33
Kamientary