ZŠA rychtujuć novyja sankcyi suprać Rasii i čakajuć aktyŭnaści ad Jeŭropy
Administracyja prezidenta ZŠA Donalda Trampa padrychtavała dadatkovy pakiet sankcyj, nakiravany na klučavyja śfiery rasijskaj ekanomiki, kali Uładzimir Pucin nie pačnie spyniać vajnu va Ukrainie. Pra heta paviedamlaje Reuters sa spasyłkaju na krynicy ŭ Vašynhtonie.
Administracyja prezidenta ZŠA Donalda Trampa padrychtavała dadatkovyja sankcyi, jakija jana moža vykarystać suprać klučavych siektaraŭ rasijskaj ekanomiki, kali prezident Uładzimir Pucin praciahnie adkładać spynieńnie vajny va Ukrainie, piša vydańnie.
Akramia taho, amierykanskija čynoŭniki, zhodna z vydańniem, zajavili jeŭrapiejskim kaleham, što jany padtrymlivajuć vykarystańnie ES zamarožanych rasijskich aktyvaŭ dla kupli amierykanskaj zbroi dla Kijeva. Sam ža Vašynhton, zhodna ź infarmacyjaj Reuters, vioŭ unutranyja pieramovy ab vykarystańni rasijskich aktyvaŭ, jakija znachodziacca ŭ ZŠA, dla padtrymki vajennych namahańniaŭ Ukrainy.
Siarod patencyjnych novych zachadaŭ, jakija abmiarkoŭvajucca ŭ Biełym domie, — miery pa adklučeńni ŭsich rasijskich bankaŭ ad dołaravaj sistemy, a taksama sankcyi suprać infrastruktury, jakaja vykarystoŭvajecca dla pastavak nafty na rynak.
Hetyja kroki mohuć dapoŭnić niadaŭnija sankcyi, jakija Tramp uvioŭ suprać rasijskich naftavych hihantaŭ «Łukojł» i «Rasnafta», što ŭžo prymusiła kitajskich i indyjskich pakupnikoŭ šukać alternatyvy.
Choć niezrazumieła, ci sapraŭdy Vašynhton ažyćciavić jakija-niebudź z hetych krokaŭ, heta śviedčyć, što ŭ ZŠA jość dobra raspracavany nabor instrumientaŭ dla dalejšaha pavyšeńnia stavak.
Pry hetym, pa słovach amierykanskich čynoŭnikaŭ, Tramp chacieŭ by, kab jeŭrapiejskija krainy zrabili nastupny vialiki krok, naprykład, uviali dadatkovyja sankcyi abo taryfy.
Tramp, jaki pazicyjanuje siabie jak suśvietny miratvorac, užo pryznaŭ, što spynić vajnu va Ukrainie akazałasia składaniej, čym jon čakaŭ.
U suviazi z hetym jon admianiŭ zapłanavanuju sustreču z Pucinym u Budapiešcie, zajaviŭšy: «Ja nie źbirajusia marnavać svoj čas». Pavodle jaho zajavy, jon nie sustreniecca z rasijskim prezidentam, pakul nie budzie bačnaha šancu na mirnaje pahadnieńnie.
Ciapier čytajuć
Minski miedyk pajšoŭ vajavać za Rasiju, praź miesiac atrymaŭ ciažkaje ranieńnie, a ciapier vybivaje vypłaty, siedziačy ŭ invalidnym vazku16
Minski miedyk pajšoŭ vajavać za Rasiju, praź miesiac atrymaŭ ciažkaje ranieńnie, a ciapier vybivaje vypłaty, siedziačy ŭ invalidnym vazku
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary
Voś i nastupiŭ momant iściny: pravierka Jeŭropy.
Ci dałučycca Jeŭropa da amierykanskich sankcyj suprać Rasiei, ci pačnie julić i vykručvacca, kab zachavać svoj handal z Rasiejaj.