Ivan Kraŭcoŭ razzłavaŭsia, što Cichanoŭskuju paklikali ŭ Jeŭraparłamient: Jaje mierkavańnie ŭvohule nie adlustroŭvaje mierkavańnie biełarusaŭ
Člen kolišniaha štaba Viktara Babaryki 2020 hoda, a ciapier sakratar Kaardynacyjnaj rady i siabar kamandy babarykancaŭ razyšoŭsia nie na žart.
Ivan Kraŭcoŭ niervova adreahavaŭ na debaty pa Biełarusi ŭ Jeŭraparłamiencie, na jakich vystupajuć Śviatłana i Siarhiej Cichanoŭskija. Svaje refleksii palityk pisaŭ u telehram-čacie «Tolki refarmatary i refarmatarki».
Spačatku Kraŭcoŭ pakpiŭ z taho, što zała padčas debataŭ była paŭpustaja. «Kolki jeŭradeputataŭ? 15?», — zadaŭsia pytańniem jon.
U Kraŭcova ŭdakładnili, čamu jon taki taksičny.
«Ja toksik, tamu što liču, što heta fejk praces. Mierkavańnie Cichanoŭskaj uvohule nie adlustroŭvaje mierkavańnie biełarusaŭ. A nievialikaja hrupa tych, chto spačuvaje ŭ Jeŭraparłamiencie, arhanizoŭvaje cyrk. I słuchać hetyja pramovy dałba*bskija [stvoranyja ŭ] čacie GPT, niemahčyma», — razyšoŭsia sakratar Kaardynacyjnaj rady, u jakoj učora jakraz adbyvalisia słuchańni pa zakonaprajekcie «Ab hiendarnaj roŭnaści».
«Ja da taho, što heta nie padzieja z punktu hledžańnia realnych dziejańniaŭ pa Biełarusi. Drennaje [u hetym toje], što cyrkuluje pa bolšaj častcy bułšyt potym u Jeŭraparłamiencie», — praciahnuŭ Kraŭcoŭ.
Jon navat zasmuciŭsia, što niamieckaje miedyja Deutche Welle rabiła tranślacyju padziei. «Ličać, što važna», — narakaje palityk.
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary
Čamu Cichanoŭskaja za piać hałoŭ vystupaŭ u Jeŭraparłamiencie nie daviała jeŭrapiejskim palityčnym dziejačam, što my nie nijakija nie "biełarašns"?