U jakich biełaruskich bankamatach možna źniać hrošy z zamiežnaj karty i kolki heta kaštuje
Byvaje situacyja, kali biełarusy žyvuć abo pracujuć za miažoj, a pryjazdžajučy dadomu, nie zaŭsiody mohuć raźličycca svajoj kartkaj abo źniać ź jaje najaŭnyja. Z takoj ža prablemaj sutykajucca i turysty. Office Life vyśvietliŭ, u bankamatach jakich bankaŭ možna svabodna zdymać hrošy z zamiežnych kartak, jakija pa ich dziejničajuć limity i pamiery kamisij.
Daloka nie ŭsie banki ŭ krainie pracujuć z zamiežnym «płastykam». Kali kazać pra bankamaty, to tolki va pryładach Alfa Banka, Biełarusbanka, Biełhazprambanka, BNB-Banka, BSB Banka, MTBanka, Paritetbank, Pryjorbanka i Banka «Rašeńnie» možna zdymać najaŭnyja z kart i Visa, i Mastercard, i MIR.
Z usich pieraličanych bolš za ŭsio mahčymaściej prapanuje Biełhazprambank — jon jašče pracuje z kartkami UnionPay. Biełarusbank taksama prymaje UnionPay, ale pry najaŭnaści sistemy MIR u bankamatach najaŭnyja pa ich zdymać nielha.
U pryładach Biełahraprambanka pracujuć tolki kartki Mastercard i MIR, u Neo Bank — tolki Visa.
Astatnija banki (akramia Statusbanka i Ceptar Banka) prymajuć u svaich pryładach z zamiežnaha «płastyku» tolki MIR. Źviartajem uvahu, što ŭ Statusbanka niama bankamataŭ, Ceptar Bank pracuje tolki ź biełaruskimi kartkami.
Amal usiudy limit na źniaćcie — maksimum 2100 rubloŭ
Amal va ŭsich bankamatach ustanoŭleny limity na źniaćcie z kart bankaŭ-nierezidentaŭ. Maksimalnuju sumu dla źniaćcia (2100 rubloŭ) prapanujuć Bielinviestbank, Bank VTB, Paritetbank i Technabank. Minimalny limit — u Banku BiełVEB — 980 rubloŭ u miesiac. A voś u BNB-Banku limitaŭ niama.
Adnak treba mieć na ŭvazie, što bank — emitent «płastyku» moža ŭstaloŭvać svaje asobnyja limity i kamisii, jakija buduć spahaniacca razam z uznaharodžańniem biełaruskaha banka.
Kali nieabchodna źniać bolš za 2100 rubloŭ u miesiac, možna źviarnucca ŭ kasu banka, jaki pravodzić apieracyi z zamiežnymi kartkami (padrabiaźniej — u tablicy), ale ŭsiudy budzie śpisvacca ŭznaharodžańnie (akramia Banka BiełVEB) i spatrebicca pašpart.
U jakich bankach možna źniać hrošy z zamiežnaj kartki
Kamientary