U Stoŭbcach žychar Staŭrapala abmianiaŭ piensijanieru darahi piarścionak na tanny nabor instrumientaŭ
Da pažyłoha mužčyny, jaki prahulaŭsia pa vulicach Stoŭbcaŭ, padjechaŭ aŭtamabil. Za rulom znachodziŭsia małady čałaviek.
Jon prapanavaŭ mužčynu pahutaryć, a potym raskazaŭ pra mahčymaść vyhadna nabyć budaŭničyja instrumienty marki «Makita». Pažyły mužčyna adkazaŭ, što ŭ jaho niama najaŭnych, raskazvaje historyju Dziaržaŭny kamitet sudovych eśpiertyz.
U adkaz nieznajomiec pacikaviŭsia, ci niama ŭ piensijaniera jakich‑niebudź juvielirnych vyrabaŭ doma. Na heta mužčyna pryznaŭsia, što ŭ jaho jość załaty piarścionak z kamieniem čyrvonaha koleru, jaki jon nie nosić.
Kiroŭca prapanavaŭ mužčynu sieści ŭ aŭtamabil, paśla čaho jany razam nakiravalisia da doma piensijaniera. Žonka pažyłoha mužčyny ŭ toj momant doma adsutničała. Nie padazrajučy abmanu, piensijanier prynios załaty piarścionak u abmien na budaŭničyja instrumienty.
Užo raźvitaŭšysia ź nieznajomcam, praź niekatory čas paśla «ździełki» piensijanier uvažliva razhledzieŭ instrumienty i zrazumieŭ, što ich košt značna nižej cany addadzienaha piarścionak.
U vyniku piensijanier źviarnuŭsia z zajavaj u Staŭbcoŭski RAUS. Supracoŭniki milicyi ŭ chodzie apieratyŭna‑vyšukovych mierapryjemstvaŭ ŭstanavili asobu taho samaha kiroŭcy. Im akazaŭsia žychar Staŭrapolskaha kraju Rasii, 1991 hoda naradžeńnia. Piarścionak kanfiskavali.
Z metaj vyznačeńnia koštu budaŭničych instrumientaŭ i załatoha piarścionak va ŭpravie Dziaržaŭnaha kamiteta sudovych ekśpiertyz pa Minskaj vobłaści praviedziena tavaraznaŭčaja ekśpiertyza. Ustanoŭlena, što košt budaŭničych instrumientaŭ składaje kala 233 rubloŭ, a piarścionak acenieny bolš čym u 1 950 rubloŭ.
Ciapier čytajuć
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1313
Kamientary