«240 rubloŭ za «kamunałku» ŭ adnapakajoŭcy». Minčanie atrymali žyroŭki, ad jakich unutry pachaładzieła

Kali pieravieści na movu ličbaŭ, za vierasień uładalniku adnapakajoŭki Dźmitryju, naprykład, daviadziecca zapłacić ažno 250 rubloŭ. Zabiahajučy napierad, adznačym: vyrašyć hetuju niaprostuju zadaču sprabavali ŭsioj šmatpaviarchoŭkaj. Nie adrazu, ale adkaz na jaje ŭsio ž taki byŭ znojdzieny, piša Onliner.by.

— U kastryčniku ŭ žycharoŭ našaha doma vałasy litaralna stali dybam: nikoli jašče haračaja vada nie abychodziłasia nam tak doraha. Mnie za adnapakajoŭku naličyli 240 rubloŭ, ź jakich 157 rubloŭ pryjšłosia na 6 kuboŭ haračaj vady. I heta navat biez aciapleńnia! — emacyjna raskazvaje adzin z žycharoŭ doma Dźmitryj. — Dla paraŭnańnia, u žniŭni za 8 kuboŭ ja zapłaciŭ 70 rubloŭ. Zrazumieŭ, što adbyvajecca niejkaja łuchta. Uziaŭ žyroŭki za apošni hod i ŭbačyŭ, što ahulnadamavy pakazčyk ličylnika padahrevu vady zavyšany ŭ dva z pałovaj razy. Zamiest zvyčajnych 15—18 hKał pakazana ličba ŭ 48,46 hKał.

Pavialičyć

Dźmitryj kaža, paśla hetaha staŭ zvanić u Minskija ciepłasietki, dzie jamu patłumačyli, što raźlik pa damovie byŭ uziaty pa «maksimumu».

— Ja znoŭ źviarnuŭsia da kamunalnikaŭ, jakija nie adrazu, ale pryznali pamyłku i paabiacali zrabić u bližejšyja dni pieraraźlik. U vyniku vyśvietlili, što jany pieraličać sumu ŭ listapadzie, pry hetym u kastryčniku daviadziecca zapłacić pa poŭnaj, inakš vystaviać pieniu. U mianie pytańnie: čamu ja pavinien płacić za čyjeści pamyłki? — ździŭlajecca minčanin.

Žurnalisty źviazalisia z ŽES №43, kab daviedacca, adkul u žyroŭkach za kvatery na vuł. Čyhładze, 10, uzialisia takija sumy. Kamunalniki adkazali koratka: u sistemie ŭźnikła pamyłka, ale adkaznaść za jaje niasie «Biełsantechenierha». 

— Tak, sapraŭdy, adbyłasia pamyłka, heta vyklučna čałaviečy faktar. U toj pieryjad jakraz byŭ zapusk aciapleńnia ŭ žyłych damach. Hety dom nie adziny, dzie adbyłasia takaja situacyja. U listapadzie budzie zrobleny pieraraźlik, paśla čaho žycharam kampiensujuć vydatki, — udakładnili ŭ dziaržarhanizacyi.

A jak być piensijanieram, jakim pamyłkovyja sumy ŭ žyroŭkach mohuć mocna ŭdaryć pa kišeni? Z hetym pytańniem žurnalisty źviarnulisia śpiarša ŭ ŽES №43, a zatym u raźlikova-daviedačny centr №5.

— Pieraraźlik za haračuju vadu budzie zrobleny ŭ kastryčnickaj žyroŭcy. Zaraz žycharam doma pa vuł. Čyhładze, 10, pažadana zapłacić usiu sumu, inakš moža być naličana pienia. RDC vystaŭlaje danyja, jakija atrymany ad Minskich ciepłasietak. Heta značyć heta nie naša pamyłka, — padsumavaŭ śpiecyjalist.

• 0
• 0
• 3
• 4
• 1
• 0
• 5
• 0