U jakaści ekśpierymientu ŭ Minskaj vobłaści ŭvodzicca novaja centralizavanaja sistema pryjomu zvankoŭ na numar 102. Taksama zapuščany telehram-bot dla zvarotaŭ hramadzian. Siłaviki spadziajucca, što heta novaŭviadzieńnie pavysić efiektyŭnaść ich pracy i paskoryć reakcyju na paviedamleńni.
Jak paviedamlaje vydańnie «Na stražie», u chutkim časie na bazie Minskaj abłasnoj milicyi ŭ testavym režymie pačnie pracu adzinaja słužba 102. Na pieršym etapie prajekt achopić staličny rehijon, a ŭ budučyni płanujecca padklučyć i inšyja bujnyja rajcentry: Barysaŭ, Maładziečna i Salihorsk.
Jak heta budzie pracavać?
Hałoŭnaje źmianieńnie palahaje ŭ tym, što zvanki ad hramadzian, jakija raniej pastupali naŭprost u rehijanalnyja padraździaleńni, ciapier buduć prymacca centralizavana. Śpiecyjalna padrychtavany supracoŭnik słužby («technik») apytaje zajaŭnika, zapoŭnić elektronnuju kartku ŭ aŭtamatyzavanaj sistemie i ŭ anłajn-režymie pieradaść infarmacyju ŭ apieratyŭna-dziažurnuju słužbu patrebnaha rajona.
Pa słovach pieršaha namieśnika načalnika UUS Minskaj vobłaści pałkoŭnika milicyi Alaksandra Kisiala, heta dazvolić značna źnizić nahruzku na miascovych supracoŭnikaŭ, jakija, akramia apracoŭki paviedamleńniaŭ, vykonvajuć šmat inšych zadač — ad kaardynacyi naradaŭ da vydačy zbroi.
Asablivaja ŭvaha budzie nadavacca ekstrannym vypadkam. Kali apieratar zrazumieje, što isnuje niepasrednaja pahroza žyćciu abo zdaroŭju čałavieka, jon nieadkładna paviedamić pra heta kalehu, jaki adrazu źviažacca ź miascovym padraździaleńniem pa telefonie. Narad milicyi budzie nakiravany na miesca zdareńnia biez pramarudžvańnia, a ŭsie detali zmoža vyvučyć užo ŭ darozie z elektronnaj kartki.
Čat-bot u telehramie
Adnačasova z centram 102 u rehijonie realizujecca jašče adzin piłotny prajekt — telehram-bot dla paviedamleńniaŭ ad žycharoŭ. Płatforma dazvalaje źviarnucca ŭ milicyju nibyta ananimna, dasłaŭšy tekstavaje abo hałasavoje paviedamleńnie, a taksama prymacavaŭšy fota i danyja hieałakacyi.
Za čas pracy praz bot užo pastupiła niekalki socień paviedamleńniaŭ. Jak raspavioŭ vydańniu načalnik słužby milicyi 102 padpałkoŭnik milicyi Siarhiej Puzyroŭ, ich ilvinaja dola datyčycca parušeńniaŭ pa linii DAI.
Čaściej za ŭsio ludzi dasyłajuć fota aŭtamabilaŭ, pryparkavanych z parušeńniami. Adnak, niahledziačy na instrukcyi, niekatoryja karystalniki pakidajuć u paviedamleńniach prabieły. Naprykład, mohuć dasłać fota mašyny, što staić na miescy dla invalidaŭ, ale pry hetym nie zafiksavać na zdymku numar rehijona i nie ŭkazać dakładnuju łakacyju.
Razam z tym, čat-bot dapamahaje i ŭ bolš surjoznych situacyjach, kali ludziam składana zrabić telefonny zvanok.
Tak, niadaŭna ŭ słužbu źviarnuŭsia chłopčyk ź Minščyny, jaki paprasiŭ abarony ad baćkoŭ, jakija jaho źbivajuć. Niahledziačy na papiaredžańni sistemy, jon ukazaŭ tolki svaje imia i proźvišča, nie pakinuŭšy ni adrasu, ni numaru telefona. Tym nie mienš, zadziejničaŭšy bazy danych, milicyjanty zmahli vyznačyć jaho asobu, i da pracy ź siamjoj užo padklučylisia śpiecyjalisty.
«Chłopčyk viedaŭ, jak patelefanavać pravaachoŭnikam, ale ŭstupić u asabistyja znosiny nie advažyŭsia. Apisać prablemu ŭ čat-bocie jamu akazałasia psichałahična lahčej», — padkreśliŭ Siarhiej Puzyroŭ.
Zaraz pravaachoŭniki padtrymlivajuć suviaź z raspracoŭščykami prahramy i prapanujuć varyjanty jaje ŭdaskanaleńnia. Adno ź pieršačarhovych pytańniaŭ — zabieśpiačeńnie zvarotnaj suviazi z zajaŭnikami pry zachavańni ich ananimnaści.
Pa słovach Puzyrova, achvotnych stać «technikam» vystraiłasia čarha, adnak daloka nie ŭsie prajšli dbajnuju pravierku. Kab pretendavać na pasadu, dastatkova mieć siaredniuju adukacyju.
Ciapier čytajuć
Tusk zajaviŭ pra hatoŭnaść adkryć Babroŭniki i Kuźnicu ź listapada55
Kamientary