Jak pracuje milicejskaja sistema videanazirańnia: pa fota znachodzić čałavieka ŭ aŭtobusie, u supiermarkiecie i ŭ škole
Biełaruskaja milicyja zajaviła, što jaje ahulnarespublikanskaja sistema videanazirańnia zdolnaja identyfikavać čałavieka pa adnym fotazdymku i adsačyć jaho pieramiaščeńni pa ŭsioj krainie.
U siužecie ANT supracoŭniki Departamienta achovy MUS prademanstravali, jak pracuje ahulnarespublikanskaja sistema videamanitorynhu. Infarmacyja z kamier videanazirańnia z usioj krainy pastupaje ŭ manitorynhavy centr u režymie realnaha času. Heta dazvalaje apieratyŭna adsočvać pieramiaščeńnie ludziej i analizavać ich pavodziny.
Kab prademanstravać pracu sistemy, supracoŭniki Departamienta zahruzili fatahrafiju žurnalista i atrymali zapisy z kamier pa ŭsioj krainie, dzie napiaredadni jon byŭ zafiksavany. Siarod ich byli zapisy ź videakamiery ŭ škole, adkul mužčyna zabiraŭ dzicia, supiermarkiecie na poŭdni Minska, kramie ŭ inšym horadzie krainy.
Akramia taho, u siužecie byli prademanstravany zapisy z kamier u hramadskim transparcie, jakija taksama intehravanyja ŭ sistemu. Fiksujecca i ŭsio toje, što traplaje na milicejskija videarehistratary.
Milicyja padkreślivaje, što sistema pryznačana dla pavyšeńnia biaśpieki, ale jaje šyrokija mahčymaści vyklikajuć i pytańni nakont pryvatnaści i kantrolu za hramadzianami.
U mnohich krainach prymianieńnie videanazirańnia rehulujecca strohimi zakonami, što abmiažoŭvaje vykarystańnie danych i harantuje pravy hramadzian na pryvatnaść. U Biełarusi ž takija miechanizmy kantrolu raźvivajucca biez publičnaj dyskusii, što robić jaje žycharoŭ abjektami pastajannaha nazirańnia.
Kožny čałaviek, jaki traplaje ŭ pole zroku kamier, moža być identyfikavany i adsočany ŭ režymie realnaha času, a jaho pieramiaščeńni zachoŭvajucca ŭ bazie danych. Heta aznačaje, što milicyja i inšyja dziaržaŭnyja struktury majuć mahčymaść u luby momant daviedacca, dzie byŭ čałaviek, u jakija miescy zachodziŭ i jak pierasoŭvaŭsia pa krainie.
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju77
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju7
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary
vam jak vyskokvaje na kožnym sajcie daŭžeznaje pahadnieńnie brać kukizy, tam spasyłka na eŭrakałhasny zakon pra abaronu asabistych danych.
tak voś, lubyja maje kamuniany, nie palanujciesia pačytać VYKLUČEŃNI z hetaha zahonu - daŭžezny śpis siłavikoŭ dy prakuroraŭ, kamu vas vižavać dazvolena.