Navuka i technałohii

Jak prahramy raspaznavańnia tvaru pracujuć pry našeńni maski

Paŭsiudnaje našeńnie masak stvaryła vykliki dla prahram raspaznavańnia tvaraŭ. Ałharytmy, z dapamohaj jakich pracujuć adpaviednyja prahramy, dziejničajuć mienš efiektyŭna, kali častka tvaru schavanaja za maskaj. Ale ź ciaham času prahramy adaptavalisia da novych realij.

U studzieni ŭ Ministerstvie ŭnutranaj biaśpieki ZŠA znajšli ałharytm raspaznavańnia tvaru, efiektyŭnaść jakoha aceńvajecca ŭ 96%. Paviedamlajecca, što hety ałharytm pracuje pry praviercy fotazdymkaŭ, navat kali ludzi na fota nie zdymajuć masku, piša VVS.

Varta paznačyć, što niekatoryja słužby palicyi karystajucca prahramami raspaznavańnia tvaru. Łondanskaja palicyja nie ŭžyvała ich užo hod, ale jość źviestki, što amierykanskija pravaachoŭniki vykarystoŭvali adpaviednyja ałharytmy padčas pratestaŭ Black Lives Matter minułym letam. Patencyjnaja niebiaśpieka technałohii vyklikaje tryvohu pravaabaroncaŭ — jak i toj fakt, što niekatoryja arhanizacyi ličać kavid apraŭdańniem dla jaje pašyranaha vykarystańnia.

Prykład takoj arhanizacyi — japonskaja karparacyja NEC, jakaja jašče da pačatku pandemii pačała raspracoŭku ałharytmaŭ raspaznavańnia tvaru ŭ vypadku ź ludźmi, jakija nosiać masku pa pryčynie alerhii. U studzieni kampanija zajaviła, što sistema ŭžo pakazvaje dobryja vyniki: jaje efiektyŭnaść składaje 99,9%. Prahrama pracuje nastupnym čynam: jana vyśviatlaje, ci nosić čałaviek masku, i, kali tak, raspaznaje tvar praz dastupnyja dla nazirańnia rysy, naprykład, praz charaktarystyki vačej i łba.

NEC płanuje pradavać prahramu dla vykarystańnia pry praviercy biaśpieki ŭ ofisnych budynkach i inšych ustanovach. Pradstaŭniki karparacyi śćviardžajuć, što ŭ čas pandemii (a značyć, paŭsiudnaha našeńnia masak) dakładnaje raspaznavańnie tvaru stała asabliva važnym.

Pryvatnyja arhanizacyi taksama nie admaŭlajucca ad padobnych prahram. Tak, u adnym z tematyčnych parkaŭ Disney World na praciahu miesiaca buduć karystacca technałohijaj raspaznavańnia tvaru, kab źmienšyć čerhi naviedvalnikaŭ na ŭvachodzie ŭ park. Pry hetym haściej parka taksama nie buduć prasić zdymać maski.

Kamientary

Ciapier čytajuć

Ukraina masiravana atakavała rasijskija aeradromy i źniščała bambardzirovačnuju avijacyju41

Ukraina masiravana atakavała rasijskija aeradromy i źniščała bambardzirovačnuju avijacyju

Usie naviny →
Usie naviny

Pad Minskam mašyna sutyknułasia z matacykłam VIDEA

U Minsku prachodzić viełakarnavał «Viva Rovar» FOTY2

Bresckija pamiežniki nie prapuścili biez čarhi invalida z Rasii — byłoha pres-sakratara palicyi Inhušecii. Jon aburany10

Makron zaklikaŭ stvaryć «kaalicyju niezaležnych» i nie hladzieć na Vašynhton i Piekin4

Čarešni na Kamaroŭcy patańnieli ŭtraja. Čym jašče vyhadna zakupicca?2

Paŭlučenka: Volha Siamaška chacieła atrymać dla aŭdytu mienavita fond «Razam»21

Papularnaja aktrysa vypuściła myła z vadoj z ułasnaj vanny1

Hanna Bond krytykuje, deputatka Mirončyk-Ivanova śpiavaje pra «krošku»: u Minsku z anšłaham prajšoŭ kancert «Ruki vvierch»37

Kot zdolny adroźnivać svajho haspadara ad nieznajomca pa pachu3

bolš čytanych navin
bolš łajkanych navin

Ukraina masiravana atakavała rasijskija aeradromy i źniščała bambardzirovačnuju avijacyju41

Ukraina masiravana atakavała rasijskija aeradromy i źniščała bambardzirovačnuju avijacyju

Hałoŭnaje
Usie naviny →

Zaŭvaha:

 

 

 

 

Zakryć Paviedamić