Navat kali schavaŭ tvar, ciabie paznajuć — źjaviłasia novaja sistema videanazirańnia
Apple zapatentavała novuju sistemu videanazirańnia, jakaja identyfikuje ludziej biez raspaznavańnia tvaru.
Technałohii raspaznavańnia ludziej kročać napierad. Niekalki hadoŭ tamu kitajskija vučonyja stvaryli sistemu raspaznavańnia emocyj. A raspracoŭka japonskaj karparacyi NEC dazvalaje amal sa stoadsotkavaj efiektyŭnaściu raspaznać asobu, tvar jakoj schavany pad maskaj.
Karparacyja Apple pajšła dalej i niadaŭna atrymała patent na pieradavuju sistemu kamier videanazirańnia, jakaja spałučaje raspaznańnie asob z analizam danych, źviazanych ź ciełam.
Jak paviedamlajecca, sistema vykarystoŭvaje kambinacyju danych, uklučajučy vyraz tvaru, chadu, rost i navat postać čałavieka. U vyniku stvarajecca ŭnikalny «adbitak cieła», jaki vykarystoŭvajecca dla identyfikacyi asoby ŭ spałučeńni z technałohijaj Face ID.
Hałoŭnaja pieravaha hetaj technałohii ŭ tym, što jana moža raspaznavać ludziej, navat kali ich tvar schavany abo častkova niabačny. Naprykład, kali čałaviek paviernuty śpinaj, kamiera zmoža vykarystoŭvać inšyja admietnyja rysy, takija jak kontury cieła ci adzieńnie, dla paćviardžeńnia asoby.
Kab sabrać fizičnyja charaktarystyki roznych ludziej, jakija pryjazdžajuć u dom karystalnika, sistema kamier videanazirańnia budzie rehularna zachoplivać i zachoŭvać na praciahu vyznačanaha času ich vyjavy, jakija buduć analizavacca z vykarystańniem madelaŭ hłybokaha navučańnia. U vyniku, kali čałaviek znoŭ źjavicca na parozie doma, sistema jaho apaznaje i padaść adpaviednaje apaviaščeńnie karystalniku.
Raspracoŭščyki adznačajuć, što ich sistema maje vysokuju dakładnaść i mienš iłžyvych spracoŭvańniaŭ, što robić jaje bolš nadziejnaj u paraŭnańni sa zvyčajnymi sistemami raspaznańnia. Taksama jana moža zrabić vykarystańnie achoŭnych pryład zručniejšym i bolš prostym.
Čakajecca, što novaja raspracoŭka stanie centralnym elemientam «razumnaha domu» i zmoža kiravać inšymi pryładami ŭ domie karystalnika. Naprykład, raspaznaŭšy haspadara ci inšaha člena siamji, jana moža aŭtamatyčna adkryć dźviery, uklučyć śviatło ci adrehulavać tempieraturu ŭ zaležnaści ad taho, chto znachodzicca ŭ pamiaškańni.
Ekśpierty ličać, što taki padychod Apple moža istotna źmianić industryju biaśpieki.
Niahledziačy na mahčymyja pytańni ab kanfidencyjalnaści, Apple zajaŭlaje, što danyja ludziej buduć abaronieny, tamu što buduć zachoŭvacca i šyfravacca prosta na pryładach, a nie na źniešnich nośbitach. Hetaja praktyka źnižaje ryzyku niesankcyjanavanaha dostupu da asabistych danych. Taki padychod adpaviadaje pryncypam abarony pryvatnaści i moža pavysić davier da praduktaŭ Apple, ličać u kampanii.
U Kitai raźvivajuć technałohiju raspaznavańnia emocyj kamierami videanazirańnia. Heta jašče krok da oruełaŭskaha kantrolu
Jak prahramy raspaznavańnia tvaru pracujuć pry našeńni maski
Pach cieła — jak adbitak palcaŭ. Chutka moža nadyści čas, kali pa pachu cieła pra nas možna budzie sčytać usio, u tym liku chvaroby
Znaŭcy štučnaha intelektu prahnazujuć, što nieŭzabavie padrobki stanie niemahčyma vyjavić
Navukoŭcy raspracavali dadatak ź niejrasietkaj, jakaja raspaznaje emocyi ŭ katoŭ i košak
Ciapier čytajuć
Brat biełaruskaj karalevy pryhažości trapiŭ u reanimacyju ŭ Azierbajdžanie3
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary