Śpiecpasłańnik Papy Kłaŭdya Hudžeroci biare ŭdzieł va ŭračystaściach u Pinskaj jeparchii
Śpiecyjalny pasłańnik Papy Rymskaha Lva XIV — prefiekt Dykasteryi pa spravach Uschodnich cerkvaŭ u Vatykanie kardynał Kłaŭdya Hudžeroci prybyŭ u Pinsk na ŭračystaści z nahody śviatkavańnia 100‑hodździa Pinskaj jeparchii, paviedamlaje BiełTA.
Jubilejnyja mierapryjemstvy siońnia prachodziać u Pinsku. Pačalisia jany ŭ kafiedralnym kaściole Uźniasieńnia Najśviaciejšaj Dzievy Maryi z malitvy parafijanaŭ niabiesnamu apiekunu Pinskaj jeparchii śviatomu Andreju Baboli i ŭniasieńnia relikvaryja z čaścicaj jaho moščaŭ.
Vierniki pavodle biełaruskaj tradycyi z chlebam-sollu sustreli śpiecyjalnaha pasłańnika pantyfika. Padčas śviatoj imšy kardynał Kłaŭdya Hudžeroci ŭznačalić liturhiju. Uračystaści praciahnucca 26 kastryčnika ŭ Breście.
Kłaŭdya Hudžeroci dobra viadomy biełaruskim viernikam, bo z 2011 pa 2015 hod byŭ apostalskim nuncyjem u našaj krainie.
U vieraśni 2012 hoda Kłaŭdya Hudžeroci zrabiŭ vizit u turmy, dzie ŭtrymlivalisia biełaruskija palityčnyja źniavolenyja.
Jon tady naviedaŭ niekalki pienitencyjarnych ustanoŭ, dzie asabista pieradaŭ vitańni i duchoŭnuju padtrymku palitviaźniam ad Papy Bieniedykta XVI. Siarod ich byli, naprykład, Aleś Bialacki, Źmicier Daškievič, Pavieł Sieviaryniec.
Taksama Kłaŭdya Hudžeroci spryčyniŭsia da viartańnia ŭ krainu Tadevuša Kandrusieviča, jakoha ŭłady ŭ 2020 hodzie nie puskali nazad.
Nuncyj Hudžeroci nieadnarazova maliŭsia na Dziady ŭ Kurapatach, a kali byŭ nuncyjem u Vialikabrytanii, pieryjadyčna naviedvaŭ Biełaruskuju biblijateku imia Skaryny ŭ Łondanie.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary