KDB na niekalki hadzin błakavaŭ u Biełarusi «Ukantakcie». A paśla ŭsio adkrucili
Sacsietka źjaviłasia ŭ śpisie resursaŭ z abmiežavanym dostupam sod.belgie.by.
Rašeńnie ab błakiroŭcy «Ukantakcie» ŭviečary 24 kastryčnika pryniaŭ KDB.
«24 kastryčnika 2025 hoda na padstavie pradstaŭleńnia Kamiteta dziaržaŭnaj biaśpieki dostup da infarmacyjnaha resursu abmiežavany. Praciahłaść abmiežavańnia na dadzieny momant nieviadomaja. Identyfikatar resursu: https://vk.com», — paviedamiŭ BiełDIE.
Dostup byŭ abmiežavany da desktop-viersii. Mabilny dadatak praciahvaŭ pracavać.
Blizkija da siłavikoŭ kanały pierasvarylisia, vyśviatlajučy, što stała pryčynaj incydentu. Adnyja kazali pra techničnuju pamyłku, inšyja nastojvali, što razbłakiroŭka adbudziecca tolki paśla taho, jak rasijskaja sacsietka vykanaje niejkaje patrabavańnie biełaruskich uładaŭ.
Praź niekalki hadzin błakiroŭka była źniataja.
Kiraŭnik rasijskaha chołdynhu VK — Uładzimir Kiryjenka. Heta były vice-prezident «Rastelekoma» i syn pieršaha namieśnika kiraŭnika Administracyi Pucina Siarhieja Kiryjenki.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj89
Kamientary